އިޒްރާއިލް ސިފައިން ޗެކްޕޮއިންޓު ތަކާއި، ހަރިކަށިފިޔަވަޅު ތަކާއި އެކު ބަންދުކުރި ފަލަސްޠީނުގެ  ޖެރިކޯ ހުޅުވައިފިއެވެ.

އިޒްރާއިލް ސިފައިން ޖެރިކޯ އަށް ހަތިޔާރާއި އެކު ވަދެގަތީ ހޯމަ ދުވަހު ފަލަސްޠީނުގެ ބަޔަކު ދިން ބަޑީގެ ހަމަލާތަކެއްގައި އެމެރިކަން އިޒްރާއިލް ރައްޔިތެއް ކަމަށްވާ 26 އަހަރުގެ އެލަން ގަނެލެސް މަރުވުމާއި ގުޅިގެން އޭނާ މަރާލި މީހާ ހޯދުމަށް ކަމަށް ބުނެއެވެ. އެލަން އަކީ ކުރިން އިޒްރާއިލްގެ ސިފައިންގެ ތެރޭގައި މަސައްކަތް ކޮށްފައިވާ މީހެކެވެ. އޭނާ މަރުވެފައިވަނީ ޖެރިކޯގެ ކައިރީގައި އޮންނަ ހައިވޭއެއްގެ މަތީގައެވެ.

އިޒްރާއިލް ސިފައިން ޖެރިކޯ ހުޅުވާފައިމިވަނީ އެލަން މަރާލިކަމަށް އެމީހުން ބުނާ ފަލަސްޠީނުގެ 22 އަހަރުގެ ޒުވާނެއް ކަމަށްވާ މަހްމޫދް ޖަމާލް ހަސަން ހަމްދާން ގަޔަށް ބަޑިޖަހައި ޝަހީދުކޮށްލުމަށް ފަހުއެވެ. މަހްމޫދު ގަޔަށް ބަޑިޖަހައިފައި ވަނީ ޖެރިކޯގެ އަޤަބަތް ޖަބެރް ރެފިޔުޖީ ކޭމްޕްގައި ހުއްޓައެވެ. ހަމްދާން މަހްމޫދަށް ބަޑީގެ ހަމަލާދީފައި ވަނީ ބުދަދުވަހުގެ ފަތިސް ވަގުތުއެވެ. ހަމަލާތަކަށްފަހު ޒަހަމްތަކުގެ ސަބަބުން މަހްމޫދު ނިޔާވެފައި ވަނީ އެދުވަހުގެ އިރުއޮއްސެން ކައިރިވެފައި ހުއްޓައެވެ.

Advertisement

ފަލަސްޠީނުން ދިން ހަމަލާއެއްގައި އެލަން މަރުވުމާއި ގުޅިގެން އިޒްރާއިލްގެ އާންމުން ވަނީ ފަލަސްޠީނުގެ ވިލެޖް ތަކަށް ވަދެ ހަމަނުޖެހުން ހިންގައިފައެވެ.

ޔަހޫދީން ވަނީ ހުވާރަ ވިލެޖަށް ވަދެ އެތައް ގެއްލުންތަކެއް ދީފައެވެ. އެގޮތުން އެތައް 100 ބަޔަކު ވަނީ ޒަހަމްވެފައެވެ. އެތައް ގެޔަކާއި އެތައް ކާރެއް ވަނީ އަންދާލާފައެވެ.

އާދީއްތަ ދުވަހު ހިނގި ކުރިމަތިލުމެއްގައި އިޒްރާއިލްގެ ދެބެން މަރުވުމާއި ގުޅިގެން އިޒްރާއިލް ސިފައިންގެ އަނިޔާވެރިކަން ވަނީ އިތުރުވެފައެވެ.