މާލޭ ސިޓީ ކައުންސިލާއި މޯލްޑިވްސް ޕޮލިސް ސާވިސް ގުޅިގެން މާލޭގެ ފާރުތައް ސާފުކުރުމުގެ މަސައްކަތް ކުރިއަށް ދާކަމަށް ސިޓީ ކައުންސިލުން ހާމަކުރައްވައިފިއެވެ.

ސިޓީ ކައުންސިލާއި ފުލުހުން ގުޅިގެން ކުރަމުންދާ މަސައްކަތަކީ މާލޭގެ އެކި ސަރަހައްދު ތަކުގެ ފާރުތަކުގައި ސްޕްރޭއާއި ކުލައިން ލިޔެ ކުރަހާފައި ހުރި އިޖްތިމާއީ މިންގަނޑުތަކާއި ޚިލާފު މަންޒަރު ތަކާއި ލިޔުންތަކުގެ މަތީގައި ކުލަލުމެވެ.

މާލޭގެ އެކިއެކި ސަރައްހައްދުތަކުގައި އިޖްތިމާއީ މިންގަނޑު ތަކާއި ޚިލާފު ބަސްތައް ދިވެހި ބަހުންނާއި އިނގިރޭސިން ލިޔެފައި ހުންނަ މަންޒަރު ވަރަށް ގިނައިން ފެނެއެވެ. މިކަމަކީ ކަމުގެ ސަބަބުން ކުޑަކުދިންނަށް ނޭދެވޭ އަސަރުތަކެއް ކުރާ ކަމެކެވެ.

Advertisement

މިގޮތުން ލިޔެފައި ހުންނަ ހުތުރު ބަސްތައް ކުދިންކިޔައި އެކުއްޖަކު އަނެއްކުއްޖަކަށް ބުނެދީ ހަދައިފައި ހުރި ކަމަށް ބައެއް ބެލެނިވެރިންގެ ވާހަކަތަކުން އެނގެއެވެ. އަދި އެއީ ކޯއްޗެއްތޯ އާއި އޭގެ މާނަ ކުދިން އަހައި އިންޓަރނެޓު މެދުވެރިކޮށް މާނަ ހޯދަން މަސައްކަތް ވެސް ކޮށްފައި އެބަހުއްޓެވެ.

މިފަދައިން ފާރުތަކުގައި ލިޔެފައި ހުންނަ ތަންތަން ދޭތެރެ ދޭތެރެއިން ސިޓީ ކައުންސިލުން ދޭތެރެއަކުން ނުކުމެ ކުލަލައެވެ. ކުލަލައިފައި ހުންނަ ތަންތަނުގެ މަތީގައި އަލުން ކުރަހާ ހަދައިފައިވެސް ހުރެއެވެ.