ވިލާ ރިސޯޓްއިން ހިންގާ ރިސޯޓުތަކުގެ އާ ކޮންސެޕްޓްތައް ޖަރުމަނުގެ ބާލިންގައި މިހާރު ކުރިޔަށްދާ އައިޓީބީ ބާލިން ފެއާގައި ތައާރަފުކޮށްފި އެވެ.

އައިޓީބީ ފެއަރ އަކީ ދުނިޔޭގައި ބާއްވާ އެންމެ ބޮޑު އެއް ޓޫރިޒަމް ފެއާއެވެ. 

މި ފެއަރ ގައި ހުންނަ ރާއްޖޭގެ ސްޓޭންޑްގައި ވިލާ ރިސޯޓްސްގެ އާ ކޮންސެޕްޓްތައް އިއްޔެ ތައާރަފުކޮށްދެއްވީ ސަން އައިލެންޑްގެ ކުރީގެ ޖެނެރަލް މެނޭޖަރު އަދި ޓޫރިޒަމް މިނިސްޓަރު ޑރ. އަބްދުالله މައުސޫމެވެ.

Advertisement

ވިލާ ގުރޫޕުން ހިންގަމުންދާ ސަން އައިލެންޑްގެ އައު ކޮންސެޕްޓަށް ދީފައިވާ ނަމަކީ ވިލާ ޕާކް އެވެ. އަދި މާލެ ކައިރީގައި އޮންނަ ޕެރަޑައިސް އައިލެންޑްގެ ކޮންސެޕްޓަށް ކިޔަނީ ވިލާ ނޯޓިކާ އެވެ.

މި ދެ ރިސޯޓުގެ އިތުރުން އދ. ދިއްފުށީގައި ހިންގާ ހޮލިޑޭ އައިލެންޑް ރިސޯޓުގެ ކޮންސެޕްޓަށް ކިޔަނީ ވިލާ ހޭވަން އެވެ. އަދި ވިލާއިން ހިންގަމުންދާ ބ. ހޮރުބަދޫގައި ރޯޔަލް އައިލެންޑް ރިސޯޓުގެ ނަމުގައި ހިންގާ ރިސޯޓުގެ ތީމަށް ކިޔަނީ "ވިލާ ވިލެޖް" އެވެ.

މި ރިސޯޓުތަކުގެ ކޮންސެޕްޓް ތައް ތަފާތުކޮށް އަދި ޝައުގުވެރިގޮތަކަށް ބަދަލުކުރި ނަމަވެސް ރިސޯޓުތަކުގެ ނަމެއް ބަދަލެއް ނުވެ އެވެ.