މާލޭގެ ދެ ސުކޫލެއްގެ ދެ މެދުގައި މާރާމާރީ ހިންގި މައްސަލައެއް ފުލުހުން ބަލަންފަށައިފި އެވެ.
މި މާރާމާރީ ހިނގާފައިވަނީ އިއްޔެ ހަވީރު ގާތްގަނޑަކަށް 5:15 ހާއިރުއެވެ. އަދި މާރާމާރީ ހިންގާފައިވަނީ މަޖީދިއްޔާ ސުކޫލްދަރިވަރެއް އަމީނިއްޔާ ދަރިވަރެއްގައިގާ ޖެހުމުންނެވެ. ހަމަ ނުޖެހުން ހިނގި ދަރިވަރަކީ މަޖީދިއްޔާ ހޭންޑްބޯލް ޓީމުގައި ހިމެނޭ މެންބަރެއް ނޫނެވެ.
އެގޮތުން އިއްޔެ ކުރިއަށް ދިޔަ ހޭންޑްބޯލް މެޗަކަށްފަހު، މަޖީދިއްޔާ ސުކޫލްގެ ދަރިވަރު ވަނީ އަމީނިއްޔާގެ ދަރިވަރު ގައިގައި ޖަހާފައެވެ.
މި މަންޒަރު އެތަނަށް އެއްވެ ތިބި އެތައް ބަޔަކަށް ފެނިފައިވާއިރު، ފުލުހުން ވަނީ އެތަނަކަށް ގޮސް އެކަން ހައްލު ކޮށްފައެވެ.
އެކަމާއި ގުޅިގެން ފުލުހުންގެ މީޑިއާ އޮފިޝަލް ވޮއިސް އަށް މައުލޫމާތު ދެއްވަމުން ވިދާޅުވީ، މާލޭގެ ދެ ސުކޫލެއްގެ ދަރިވަރުންގެ މެދުގައި މާރާމާރީ ހިންގި މައްސަލައެއް އިއްޔެ ފުލުހުންނަށް ރިޕޯޓް ކޮށްފައިވާ ކަމަށާއި، އެ މައްސަލަ ފުލުހުން ތަހުގީގު ކުރަމުންދާ ކަމަށެވެ.
މި މައްސަލަ އާއި ގުޅިގެން އެޑިއުކޭޝަން މިނިސްޓްރީގެ ބަހެއް ހޯދުމަށް ވޮއިސް އިން ތަކުރާރުކޮށް ގުޅައި މެސެޖު ކޮށްގެންވެސް ބަހެއް ލިބޭ ގޮތެއް ނުވިއެވެ.
Advertisement
This content is created and paid for by advertisers and does not involve Voice Journalists
