ޓެކްނޮލޮޖީގެ ދާއިރާގައި އަންހެނުން ބާރުވެރި ކުރުވަން އިތުރު ސަމާލު ކަމެއް ދޭންޖެހޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ މިއަދު ފާހަގަކުރާ ބައިނަލްއަގްވާމީ އަންހެނުންގެ ދުވަހުގެ ތަހުނިޔާ ފޮނުއްވާ ކުރެއްވި ޓްވީޓެއްގައެވެ.
ރައީސް ޞާލިހު ވިދާޅުވީ، މުޖްތަމައު ކުރިއެރުވުމަށް އަންހެނުންގެ ބައިވެރިވުން ނުހަނު މުހިންމު ކަމަށާ އެއީ އިންކާރު ކުރެވެންނެތް ހަގީގަތެއް ކަމަށެވެ.
އަދި ޑިޖިޓަލް މުސްތަގުބަލެއް ބައްޓަން ކުރުމަށް އަދި އެ ދާއިރާއިން އަންހެނުން ބާރުވެރި ކުރުވުމަށްޓަކައި ތަފާތުތައް ނައްތާލަން އިސްކަމެއް ދީގެން މަސައްކަތް ކުރަން ޖެހޭ ކަމަށްވެސް ވިދާޅުވި އެވެ.
މި އަހަރުގެ އަންހެނުންގެ ދުވަހަށް އދ އިން ކަނޑައަޅާފައިވާ ހާއްސަ ޝިއާރަކީ "ޑިޖިޓްއޯލް - އިނޮވޭޝަން އެންޑް ޓެކްނޮލޮޖީ ފޯ ޖެންޑާ އީކުއަލިޓީ" އެވެ.
Advertisement
This content is created and paid for by advertisers and does not involve Voice Journalists
