މަހަކީ އާއްމުކޮށް ދިވެހިންގެ ކެއުމުގައި އެންމެ ބޭނުންކުރާ އެއް އިންގްރީޑިއަންޓެވެ. ކަނޑުމަށް ވިޔަސް ފަރުމަސް ވިޔަސް ދިވެހިންނަށް މަސް ވަރެއް ނޯވެއެވެ. އެހެންކަމުން މިއަދު މި ގެނެސްދެނީ ވަރަށް މީރުކޮށް ކްރިސްޕީ ނޫނީ މުރަނަ މަސް ހަދާނެ ގޮތެވެ. މި ގޮތަށް ކްރިސްޕީ ފިޝް ހަދަން އެންމެ ކަމުދަނީ ކުރުމަހެވެ. ކުރުމަސް ލިބެން ނެތް ނަމަ ކަނޑުމަސްވެސް ރަނގަޅު ވާނެއެވެ. 

900ގ, ރޯ މަސް (ގާތް ގަނޑަކަށް އެއް އިންޗި ބޯ މިނުގައި ދިގުމިނުގައި 4 އިންޗި ހުންނަ ވަރަށް ކޮށާފައި)

2 ބިސް

1 ސައި ސަމުސާ ގާނާފައި ހުރި ލޮނުމެދު

1 ސައިސަމުސާ ގާނާފައި ހުރި އިނގުރު 

1 މޭޒުމަތީ ސަމުސާ ޓޮމާޓޯ ޕޭސްޓް 

1 ސައި ސަމުސާ ޓޮމާޓޯ ސޯސް

1 ސައި ސަމުސާ ސޯޔާ ސޯސް

ރަހާލާ ވަރަށް ލޮނު (ގާތް ގަނޑަކަށް 1 1/2 ސައި ސަމުސާ)

1 މޭޒުމަތީ ސަމުސާ މުގުރި ހިކި މިރުސް 

1 ސައި ސަމުސާ މުގުރި އަސޭ މިރުސް

1 ޖޯޑު ދިޔާ ކިރު

މަސް ކޮޅާއި ކިރު ފިޔަވައި ދެން ހުރި ތަކެތި ރަނގަޅަށް އެއްކޮށްލުމަށްފަހު ކިރު ވެސް މަޑު މަޑުން އަޅަމުން އެއްކޮށްލާށެވެ. ދެން އޭގެ ތެރެއަށް މަސް ކޮޅު ލައި ރަނގަޅަށް އެކުލަވައި ލުމަށްފަހު މަތި ރަނގަޅަށް ބަންދު ކޮށްލާފައި 3 ގަޑިއިރު ވަންދެން މެރިނޭޓް ކުރަން ބަހައްޓާށެވެ.

1 ޖޯޑު ފުށް

1 މޭޒުމަތީ ސަމުސާ ކޯން ފްލާރ

1/2 ސައި ސަމުސާ ބޭކިންގ ޕައުޑަރ

1 ސައި ސަމުސާ ލޮނުނެދު ޕައުޑަރ (ނުވަތަ ގާނާފައި ހުރި ލޮނުމެދު)

ލޮނުކޮޅެއް

1 ސައި ސަމުސާ މުގުރި ހިކި މިރުސް

1/2 ސަމުސާ ރީނދޫ

1) ކޯޓިން ހެދުމަށް ހުރިހާ ބާވަތެއް ރަނގަޅަށް އެއްކޮށްލާށެވެ. 

2) ދެން މެރިނޭޓް ކުރި މަސް ތަކުން، ފަހަރަކު މަސް ކޮޅެއްގެ ބޭރުގަައި ރަނގަޅަށް ފުށް އުނގުޅައި ލުމަށްފަހު މެރިނޭޓް ކުރި ދިޔަ ގަނޑުތެރެއަށް ލައި ތެންމާލުމަށްފަހު އަނެއްކާވެސް ފުށަށް ލައި ރަނގަޅަށް މަސްކޮޅުގައި ފުށް އުނގުޅާލާށެވެ.

3) އެއަށްފަހު އުނދުން މައްޗަށް ތެޔޮ އުދައި އެ ހޫނު ވުމުން މަސްކޮޅު އެއަށް އަޅާށެވެ. މަޑު ގިނީގައި މަހުގެ ރޯ ފިލައި ރަން މުށި ކުލަ އަރަންދެން ތެލުލާލާށެވެ.

މިގޮތަށް ތައްޔާރު ކުރާ ކްރިސްޕީ ފިޝް، ޑިޕިން ސޯސް އާއި، ސެލެޑް އަދި ފްރެންޗް ފްރައިސް އާއި އެކު ކާލާއިރު ވަރަށް މީރުވާނެއެވެ.