އެޗްޑީސީ އާއި އަލް ހިޖްރަ ޖަމިއްޔާ ގުޅިގެން ރަމަޟާން މަހަށް ތައްޔާރުވުމާއި ގުޅޭ ގޮތުން ހުޅުމާލެ ހިޔާ އަވަށުގައި ދަރުހެއް ބޭއްވުމަށް ނިންމައިފި އެވެ.
އެޗްޑީސީން ބުނީ، "ރަމަޟާން މަހަށް އިސްތިގުބާލު ކުރުން" މި މައުލޫއަށް ދޭ މި ދަރުސް އޮންނާނީ މިރޭ 8:30 ގައި ހިޔާ ފްލެޓް އެޗް-12 ޓަވަރުގެ އުތުރުން އޮންނަ ހުސް ބިމުގައި ކަމަށެވެ.
އަދި ދަރުސް ދެއްވާނީ މަޝްހޫރު ދީނީ އިލްމުވެރިޔާ ޑރ. އަލީ ޒާހިރު ބިން ސައީދު ގާސިމް ކަމަށާ، މި ދަރުސް "ދާރިސް ޓީވީ" އިން ވަގުތުން ދުރަށް ފޮނުވާނެ ކަމަށްވެސް ބުނެފައިވެއެވެ.
އެޗްޑީސީން އިތުރަށް ބުނީ، މިއީ ރޯދަ މަހަށް ތައްޔާރުވުމުގެ ގޮތުން މައުލޫމާތު ދިނުމަށް ބާއްވާ ދަރުހެއް ކަމަށެވެ. އަދި މި ދަރުސް އަޑުއެހުމަށް ވީހާވެސް ގިނަ ބަޔަކު އައުމަށް އެޗްޑީސީ އާއި ހިޖްރަ ޖަމިއްޔާ އިން ވަނީ އެދިފައެވެ.
ކޮންމެ އަހަރެއްގެ ރޯދަ މަހާއި ދިމާކޮށް ދީނީ ހޭލުންތެރިކަން އިތުރުކުރުމުގެ ގޮތުން ދީނީ ދަރުސް ތަކާއީ ވޯކްޝޮޕް ތައް ރާއްޖޭގެ އެކި ކަންކޮޅުތަކުގައި ކުރިއަށް ގެންދެވެއެވެ.
Advertisement
This content is created and paid for by advertisers and does not involve Voice Journalists
