ފަލަސްޠީނުގެ ބިމަށް ގަދަކަމުން ވެރިވެގަނެގެން ތިބި އިޒްރާއިލުގެ ޔަހޫދީން ފަލަސްޠީނުގެ ރައްޔިތެއްގެ ގަޔަށް ބަޑިޖަހައި މަރައިލައިފިއެވެ.

މިކަމާއި ގުޅިގެން އިޒްރާއިލްގެ މިލިޓަރީ އިން ބުނެފައިވަނީ ޝަހީދު ކޮށްލެވުނު ފަލަސްޠީނުގެ މީހާ ޣަލަޣިޔާ ސިޓީ ކައިރީގައި އޮންނަ ކަރްނެއި ޝޮމްރޮން ފާމަށް ވަޅިއާއި ގޮވާތަކެއްޗާއި އެކު ވަތް ކަމަށެވެ.

ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ ޝަހީދު ކޮށްލެވުނު 21 އަހަރުގެ ޢަބްދުލްކަރީމް ބަދީޢީ ގެ ގަޔަށް ވަނީ ބަޑި ޖެހުމުގެ ސަބަބުން އެތަން މިތަނަށް ވަޒަން އަރައިފައި ކަމަށެވެ.

Advertisement

ފަލަސްޠީނުގެ ވަފާ ނިއުސް އިން ބުނެފައިވަނީ ޢަބްދުލްކަރީމް ޝަހީދު ކޮށްލެވުނު ފަހުން އެނާ ނިސްބަތްވާ ސަންރިއްޔާ އަށް ވަދެ އޭނާގެ އާއިލާގެ މެންބަރުންގެ ގޭގެއަށްވަދެ އެތައް ގެއްލުންތަކެއް ދީފައި ވާކަމަށެވެ. ޢަބްދުލްކަރީމްގެ އާއިލާއިން ބުނެފައިވަނީ އޭނާ އަކީ ދީންވެރި ދީނަށް ލޯބި ކުރާ ޒުވާނެއް ކަމަށެވެ. އަދި ފަލަސްޠީނުގެ އެއްވެސް ހަތިޔާރު އެޅި ޖަމާޢަތަކާއި އޭނާ އާއި ގުޅުމެއް ނޯންނަކަމަށެވެ. ޢަބްދުލްކަރީމް ޝަހީދުކޮށްލުމަށް ފަހު އޭނާގެ ހަށިގަނޑު އަދިވެސް އޮތީ އިޒްރާއިލުންގެ ބެލުމުގެ ދަށުގައެވެ.

އިޒްރާއިލް ސިފައިންވަނީ ރާމައްﷲ ކައިރީގައި އޮންނަ ނިލިން ޓައުން ގައި މިލިޓަރީ ރެއިޑެއް ހިންގިކަމަށް ބުނެފައެވެ. އިޒްރާއިލުން ބުނެފައިވަނީ އެ ރެއިޑުގައި އެމީހުންގެ ގަޔަށް ގައު އުކި ބަޔަކަށް އަމާޒުކޮށް ބަޑިޖެހި ކަމަށެވެ. އަދި އޭގެ ތެރެއިން މީހަކު މަރުވި ކަމައް ނުވަތަ ޒަހަމްވިކަމެއް އިޒްރާއިލުން ބުނެފައެއްނުވެއެވެ.

ފަލަސްޠީނުގެ އޮފިޝަލުން ވެސް ނިލިން ޓައުން އިން މީހަކު މަރުވިކަމެއް ނުވަތަ ޒަހަމްވިކަމެއް އެނގިފައި ނުވާކަމަށް ވަނީ ބުނެފައެވެ.