އިންޑީޔާގައި ހިންދޫއިން އެއްވެ އަނިޔާކުރުމުގެ ސަބަބުން މަރުވި 56 އަހަރުގެ ނަސީމް ޤުރައިޝީގެ މަރުގެ މައްސަލަ އާއި ގުޅުން ހުރި ތިން މީހަކު އިންޑިޔާ ފުލުހުން ހައްޔަރުކޮށްފިއެވެ.
ފާއިތުވި ހަފްތާގައި ޤުރައިޝީއަށް ހިންދޫން ތަކެއް ހަމަލާދީފައިވަނީ އޭނާ ގެރިމަސް ތަކެއް ގެންގުޅޭ ކަމަށް ބުނެއެވެ. ގެރިމަސް ގެންގުޅުމާއި ކެއުމާއި ވިއްކުން އިންޑީޔާގެ ބައެއް ސަރަހައްދުތަކުގައި ވަނީ މަނާކޮށްފައެވެ.
އިންޑިޔާ ފުލުހުން ކޯޓުގައި ބުނެފައިވަނީ ޤުރައިޝީއަށް ހަމަލާދީފައިވަނީ 20 މީހުންގެ ގްރޫޕަކުން އޭނާގެ ވަށައިލުމަށް ފަހުކަމަށެވެ. އަދި ޕޮލިހުން ކުށުގެ ވެއްޓަށް ގޮސް ޤުރައިޝީ އެމީހުންގެ ކިބައިން ސަލާމަތް ކޮށް ހޮސްޕިޓަލަށް ގެންދިޔަ މަގުމަތީގައި އޭނާ މަރުވެފައިވާކަމަށެވެ.
ހާދިސާ ހިނގި ސަރަހައްދުގެ ފުލުހުންގެ ހެޑް ރާމްޗަންދްރަ ތިވާރީ ރޮއިޓާސް އަށް ފޯނުން މައުލޫމާތު ދެމުން ބުނެފައިވަނީ ޤުރައިޝީގެ މަރުގެ މައްސަލައާއި ގުޅުން ހުރި ތިން މީހަކު ހައްޔަރުކޮށްފައިވާ ކަމަށެވެ.
ގެރިއަކީ ހިންދޫ ދީނުގައި ހުރުމަތްތެރި އެއްޗެއްކަމަށް ބުނެއެވެ. އެކަމާއި ގުޅުވައިގެން ހިންދޫން މުސްލިމުނަށް ގެރިމަހާއި އޭގެ ހަމުގެ ބޭނުމުގައި މަރާކަމަށް ބުނެ އެތައްފަހަރަކު ހަމަލާތައް ދީފައި އެބަހުއްޓެވެ. ހަރުކަށި ހިންދޫއިން އިންޑީޔާގައި ގެރިމަސް ކެއުމާއި ވިއްކުމާާއި ގެންގުޅުން އެއްކޮށް މަނާކުރުމަށް ވަރަށް ބޮޑަށް ބާރުއަޅަމުން ދެއެވެ.
އިންޑިޔާގެ ހަރުކަށި ހިންދޫއިން އެއްވެސް ސަބަބެއްވެސް ނެތިވެސް ވެސް އެތައް މުސްލިމުންނަކަށް އަނިޔާ ކުރި ކަމުގެ ރިޕޯޓްތައް ބައިނަލް އަޤްވާމީ މީޑިއާތަކުން ކޮށްފައި އެބަހުއްޓެެވެ.
Advertisement
This content is created and paid for by advertisers and does not involve Voice Journalists
