ކުރީގެ ރައީސް އަދި ޕީޕީއެމްގެ ރިޔާސީ ކެންޑިޑޭޓް އަބްދުالله ޔާމީން މިނިވަން ކުރުމަށް ގޮވާލައި މާލޭގައި ޒުވާނުންގެ ސައިކަލް ބުރެއް ބާއްވައިފިއެވެ.
އިދިކޮޅު ޕީޕީއެމްގެ ޒުވާނުންގެ ގޮފިން އިސްނަގައިގެން ކުއްލި ގޮތަކަށް ބޭއްވި މި ސައިކަލު ބުރުގައި ޕީޕީއެމް ޕީއެންސީގެ އިސް ބޭފުޅުން ބައިވެރިވެވަޑައިގެންނެވިއެވެ.
މި ސައިކަލު ބުރުގެ ތެރެއިން، އިދިކޮޅުން ވަނީ ރައީސް ޔާމީންއަށް ކޮށްފައިވާ "ހަރާމް" ހުކުމް ބާތިލް ކޮށް އެމަނިކުފާނު މިނިވަން ކުރުމަށް ގޮވާލާފައެވެ. އަދި އެމަނިކުފާނަކީ އިދިކޮޅުގެ ރިޔާސީ ކެންޑިޑޭޓް ކަމަށްވާއިރު ހައްޔަރު ކޮށްފައި ހުރުމުން އެތައް ބައެއްގެ ހައްގުތައް ގެއްލިގެންދާ ކަމަށް ބުނެ އިދިކޮޅުން ވަނީ ކަންބޮޑުވުން ފާޅުކޮށްފަ އެވެ.
ވ. އާރަށް މައްސަލާގައި ރައީސް ޔާމީންގެ މައްޗަށް ދައުލަތުން ކޮށްފައިވާ ދެ ދައުވާ ސާބިތުވުމާއި ގުޅިގެން އެމަނިކުފާނު 11 އަހަރަށް ޖަލަށް ލުމަށް ފާއިތުވި ޑިސެމްބަރު މަހު ހުކުން ކުރުމާއި ގުޅިގެން އިދިކޮޅުން އަންނަނީ ސިލްސިލާކޮށް ކޮންމެ ރެއަކު މާލޭގެ މަގުމަތީގައި މުޒާހަރާ ކުރަމުންނެވެ.
އެގޮތުން ކުރިއަށް ގެންދާ މުޒާހަރާގެ ތެރެއިން އެތައް ބަޔަކު މިހާތަނަށް ހައްޔަރު ކޮށްފައިވާއިރު، ގިނަ ބަޔަކަށް އެކި އަނިޔާތައް ވަނީ ވެފައެވެ.
Advertisement
This content is created and paid for by advertisers and does not involve Voice Journalists
