Ge ehgge fas vana fangifilaa in vehtti, kuhjjak niyaavehjje

ގެއެއްގެ ފަސްވަނަ ފަންގި ފިލާއިން ވެއްޓި، ކުއްޖަކު ނިޔާވެއްޖެ

13 Mar 2023 | 08:25

މާލެ-- ފޮޓޯ/ ޕީއެސްއެމް

މާލޭ، ހެންވޭރު ގައި ހުންނަ ގެއެއްގެ ފަސްވަނަ ފަންގި ފިލާއިން ވެއްޓި ކުޑަ ކުއްޖަކު ނިޔާވެއްޖެ އެވެ.

ފުލުހުންގެ މީޑިއާ އޮފިޝަލް ވިދާޅުވީ، ހެންވޭރު ގައި ހުންނަ ގެއެއްގެ ފަސްވަނަ ފަންގި ފިލާއިން ކުޑަ ކުއްޖަކު ވެއްޓުނު ކަމުގެ މައުލޫމާތު ފުލުހުންނަށް ލިބުނީ ރޭ ދަންވަރު 12:20 ގައި ކަމަށެވެ.

އަދި ވެއްޓިފައިވަނީ 4 އަހަރުގެ ފިރިހެން ކުއްޖަކު ކަމަށްވެސް ފުލުހުން ވިދާޅުވި އެވެ.

މީގެ އިތުރުން މީޑިއާ އޮފިޝަލް ވިދާޅުވީ، އެ ކުއްޖާ އަށް އޭޑީކޭ ހޮސްޕިޓަލުގައި ފަރުވާ ދެމުން ދަނިކޮށް ނިޔާވެފައިވާ ކަމަށް އެ ހޮސްޕިޓަލުން މައުލޫމާތު ދޭ ކަމަށެވެ.

އަދި މި މައްސަލަ ފުލުހުން ތަހުގީގު ކުރަމުންދާ ކަމަށްވެސް ފުލުހުން ވިދާޅުވި އެވެ.

ހަބަރު

މާލެ ސިޓީ