ފީނަން ފޭބި ފަތުރުވެރިއަކު ގެނބިގެން މަރުވެއްޖެ އެވެ.

ފުލުހުންގެ މީޑިއާ އޮފިޝަލް ވޮއިސް އަށް މައުލޫމާތު ދެއްވަމުން ވިދާޅުވީ، އއ. ރަސްދޫ މަޑިވަރު ޑައިވިން ޕޮއިންޓަށް ޑައިވިނަށް ފޭބި ފަތުރުވެރިއަކު ހާލު ސީރިއަސްވެގެން ރަސްދޫގައި ހުންނަ އއ. އަތޮޅު ހޮސްޕިޓަލަށް މިއަދު ހެނދުނު 9:12 ހާއިރު ގެނގޮސްފައިވާ ކަމަށް ރިޕޯޓުކޮށްފައިވާ ކަމަށެވެ.

އަދި އެމީހާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް ވިދާޅުވި އެވެ.

މީޑިއާ އޮފިޝަލް އިތުރަށް ވިދާޅުވީ، މަރުވެފައިވަނީ އުމުރުން 46 އަހަރުގެ ބްރިޓިޝް ފިރިހެނެއް ކަމަށާ އެކަމާ ގުޅިގެން ބަލަންޖެހޭ ކަންކަން ބަލަމުންދާ ކަަމަށެވެ.