ސިނަމާލެ ބްރިޖްގެ ލައިޓް ކައިރީގައި ފުލުހުންގެ ވެހިކަލެއްގައި ސައިކަލެއް ޖެހިގެން އެކްސިޑެންޓެއް ހިނގައިފިއެވެ.

ފުލުހުންގެ މީޑިއާ އޮފިޝަލަކު ވިދާޅުވީ، ބްރިޖް އެއާޕޯޓް ލައިޓް ކައިރީގައި ފުލުހުންގެ ކާރަކާއި ސައިކަލެއް ޖެހިގެން އެކްސިޑެންޓެއް ހިނގާފައިވާ ކަަމަށް މިއަދު 7:49 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

އަދި މި އެކްސިޑެންޓްގައި ސައިކަލު ދުއްވި މީހާއަށް އަނިޔާވެގެން ހުޅުމާލެ ހޮސްޕިޓަލްގައި ފަރުވާދެމުންދާ ކަަމަށްވެސް ވިދާޅުވިއެވެ.

މި އެކްސިޑެންޓާއި ގުޅިގެން ބަލަން ޖެހޭ ކަންކަން ފުލުހުން އަންނަނީ ބަލަމުންނެވެ.