ފުލުހުން އަތުލައިގަތުމަށް މަސައްކަތްކުރި ސައިކަލެއް އެކްސިޑެންޓް ވެއްޖެއެވެ. 

މި ހާދިސާ ހިނގާފައިވަނީ މާލެ ހުޅުމާލެ ހައިވޭ މަތީގައެވެ. އަދި އެކްސިޑެންޓް ހިނގުމުގެ ސަބަބުން ހައިވޭގެ މަތިން ބޮޑު ބައެއް ވަނީ ބްލޮކްވެފައި ކަމަށް މައުލޫމާތު ލިބުފައިވެއެވެ. 

މި ހާދިސާ އާއި ބެހޭ މައުލޫމާތު ދެއްވަމުން ފުލުހުން ވިދާޅުވީ ފުލުހުންގެ ކާރެއްގެ ފަހަތުން ދުއްވާފައި އައި ސައިކަލެއް ފުލުހުންގެ ކާރެއްގައި ޖެހި އެކްސިޑެންޓް ވެފައިވާކަމަށެވެ. އަދި ޕޮލިސް ކާރުގައި ޖެހި އެކްސިޑެންޓު ވުމުން މަޑުކުރަން އެންގުމުވެސް ސައިކަލު މަޑު ނުކޮށް ގޮސްފައި ވާކަމަށް ފުލުހުން ބުނެއެވެ.

Advertisement

ހާދިސާ އާއި ގުޅޭ އިތުރު މައުލޫމާތު ދެއްވަމުން ފުލުހުން ބުނީ ފުލުހުން މަޑުކުރަން އެންގުމުން މަޑުނުކޮށް ދުއްވާފައި ދަނިކޮށް ސައިކަލު ވަނީ ފުލުހުންގެ ކާރެއްގަޔާއި އެމްޓީސީސީ ބަހެއްގައި ޖެހިފައިކަމަށެވެ. 

ހާދިސާ ހިނގާފައިވަނީ މިރޭ 18:31 ހާއިރުއެވެ. 

މި އެކްސިޑެންޓުގައި އެއްވެސް މީހަކަށް އަނިޔާއެއްވެފައި ނުވާކަމަށް ފުލުހުން ވިދާޅުވިއެވެ. ނަމަވެސް ފުލުހުންގެ ކާރަށާއި އެމްޓީސީސީ ބަހަށާއި ސައިކަލަށް އެކިވަރުގެ ގެއްލުންތައް ވެފައިވާކަމަށް ފުލުހުން ހާމަކޮށްފައިވެއެވެ.

މި އެކްސިޑެންޓުގައި ހިމެނޭ ސައިކަލު ދުއްވަން އިނީ 18 އަހަރުން ދަށުގެ ކުއްޖެއް ކަމަށް ވެސް ފުލުހުން ވިދާޅުވިއެވެ. މިމައްސަލައިގެ ތަހްޤީޤު މިހާރު ފުލުހުން ކުރަމުންގެންދާ ކަމަށްވެސް އެއިދާރާއިން ބުނެފައިވެއެވެ.

ތަފްސީލް އަންނަނީ