ޓްރެސް ލެޗެސް ކޭކުގެ އެކި ފްލޭވާސް ތަކަކީ ގިނަ ބައެއްގެ މަގުބޫލުކަން ހޯދާފައިވާ އެއްޗެކެވެ. ކޮންމެ ފްލޭވާރ އަކުންވެސް ތަފާތު މީރު ރަހައެއް ލައެވެ. ޔަގީނުން ވެސް ނުކައި ނުހުރެވޭނެ އެވެ. އެހެންކަމުން، މިއަދު ވޮއިސް ގެ ބަދިގެއިން މި ގެނެސްދެނީ ގޭގައި އެ ކޭކު ތައްޔާރު ކޮށްލާނެ ގޮތެވެ. 

1 ޖޯޑު ފުށް

 ½ ސައިސަމުސާ ބޭކިންގް ޕައުޑަރ

¼ ސައިސަމުސާ ލޮނު

1/3 ޖޯޑު ފުލް ކްރީމް ކިރު

2 ބިސް

½ ޖޯޑު ހަކުރު

½ ޖޯޑު ތެޔޮ

1 ސައި ސަމުސަ ވެނިލާ އެސެންސް 

1 ޖޯޑު ފުލް ކްރީމް މިލްކް

½ ޖޯޑު ގެރިކިރު

½ ޖޯޑު އިވެޕޮރޭޓަޑް ކިރު

1/2 ޖޯޑު ހެވީ ކްރީމް

3 ޕެޝަން ފުރުޓް 

1 ޖޯޑު ވިޕިންގް ކްރީމް

½ މޭޒުމަތީ ސަމުސާ ހަކުރު

2 ޕެޝަން ފުރުޓް 

1) ކޭކު ފިހާ ޓެރޭއެއްގައި ރަނގަޅަށް ތެޔޮ އުނގުޅާލާށެވެ. އަރި މަތީގައިވެސް އުނގުޅަންވާނެއެވެ. ދެން އުނގުޅާފައި ހުރި ތެޔޮތަކުގެ މައްޗަށް މޭޒުމަތީ ސަމުސަލެއްހާ ފުށް ބުރުއްސާލާށެވެ. އެ ފުށްކޮޅުވެސް ތުނި ލޭޔަރ އެއް ހެދޭގޮތަށް ޓްރޭގައި އުނގުޅާލާށެވެ. ތަބަކުގެ ތެރޭގައި ފުށް ގިނަ ވެފައި ހުރިނަމަ އެކޮޅު ކޮޅުން ބާއްވާފައި ދެތިން ފަހަރަކު ފުލުގައި ޖަހާލީމާ ގިނަވާ ފުށްތައް ދާނެއެވެ.

2) ހެންޑް މިކްސަރ އެއް ނުވަތަ އާދައިގެ މިކްސަރެއް ބޭނުން ކޮށްގެން ބިހާއި ހަކުރާއި ތެޔޮ އެއްކުރާށެވެ. އެއްކުރާނީ ރަނގަޅަށް އެއްވެ، ކުލަ ކޮންމެވެސް ވަރަކަށް އަލިވެ، އޮލަކަމެއް އެއަށް އަންނަން ދެނެވެ. ދެން އެ މިކްސްޗަރ ވަކި ބޯ ތަށްޓެއްގެ ތެރެއަށް އަޅާލާށެވެ. 

3) އެއަށްފަހު ފުށާއި، ބޭކިންގް ޕައުޑަރާއި ލޮނު ވަކި ބޯތަށްޓެއްގެ ތެރެއަށް ފުރާނާލާށެވެ. 

4) ދެން ބިސް މިކްސްޗަރ ގެ ތެރެއަށް ފުށް މިކްސްޗަރ އިން ގާތްގަޑަކަށް 4 ވަރަކަށް މޭޒުމަތީ ސަމްސާ އެޅުމަށްފަހު ރަނގަޅަށް އެކުލަވާލާށެވެ.

5) އެއަށްފަހު ފުލް ކްރީމް މިލްކް ޕެކެޓުން 2 މޭޒުމަތީ ސަމުސާ ވަރުގެ އެތިކޮޅެއް ބިސް މިކްސްޗަރ ތެރެއަށް އަޅާލާފައި އަނެއްކާވެސް މަޑުމަޑުން އެއްކޮށްލާށެވެ.

6) ފުށް މިކްސްޗަރ އާއި ކިރު ހުސްވަންދެން ސްޓެޕް (4) އަދި (5) ގައި ބުނެފައިވާ ފަދައިން ތަކުރާރު ކުރަމުންދާށެވެ. ދެން ވެނީލާ އެސެންސް ފޮދު އަޅާފާައި ރަނގަޅަށް އެކުލަވާލާށެވެ.

7) ރަނގަޅަށް އެއްވުމުން ޓްރޭ ގެ ތެރެއަށް އެ އަޅާލުމަށްފަހު، ޕްރީ ހީޓް (180 ޑިގްރީއަށް 10 މިނެޓް ވަންދެން ޕްރީ ހީޓް ކުރަން ވާނެ) ކުރެވިފައިވާ އަވަނެއްގައި 180 ޑިގްރީގައި ގާތްގަނޑަކަށް 30 މިނެޓް ވަންދެން ފިހެލާށެވެ. ފިހާނީ މައްޗަށް ރަން މުށި ކުލަ އަރައި މެދަށް ދަތްކޮށްޓިއެއް ހަރާލާފައި ނަގާއިރު އޭގައި އެއްވެސް އެއްޗެއް ހަރުނުލާ ހުންނާނެ ވަރަށެވެ.

8) ކޭކު ފިހެވެމުންދާއިރު ކޭކު ތެރެއަށް އަޅާ ސިރަޕް ތައްޔާރުކުރާނީއެވެ. ސިރަޕް ތައްޔާރު ކުރަން އެންމެ ފުރަތަމަ ކުޑަ ކިރު ފޮދަކާއި އެކު ޕެޝަން ފުރުޓް، މިކްސަރަކުން ރަނގަޅަށް މުގުރާލާށެވެ. ދެން އިތުރު ކިރު ފޮދެއް އަޅާލުމަށްފަހު އަނެއްކާވެސް މިކްސަރުން އެކަލަވާލާށެވެ. އެއަަށްފަހު އެ ތަކެތި ބޯތަށްޓަކަށް އެޅުމަށްފަހު ބާކީ ހުރި ކިރާއި، ދެންވެސް ސިރަޕް ތައްޔާރުކުރަން ބޭނުންވާ ހުރިހާ އެއްޗެއް ރަނގަޅަށް އެއްކޮށްލާށެވެ.

9) ކޭކު ފިހެވި އެއްކޮށް ހިހޫ ވުމުން އުލެއް ބޭނުން ކޮށްގެން ކޭކުގެ މަތީގައި ލޯވަޅުތަކެއް އަޅާށެވެ.

10) ދެން ކޭކު ފޯކުރަން ހެދި ސިރަޕް ލޯވަޅު އެޅި ކޭކުގެ މައްޗަށް މަޑު މަޑުން އަޅާށެވެ. އެތިކޮޅަކުން އަޅާއިރު ރަނގަޅަށް ސިރަޕް ކޭކު ތެރެއަށް ވަންނަންދެން ކޮންމެ ފަހަރަކުވެސް އިރުކޮޅަކު މަޑުކޮށްލަންވާނެ އެވެ. 

11) ކޮންމެސް އެއްޗެއް ބޭނުން ކޮށްގެން ކޭކުގެ މަތި ޖަހާށެވެ. ދެން ފްރިޖްގައި މަދުވެގެން ދޮޅު ގަޑިއިރެއް ހާއިރު ބަހައްޓާށެވެ.

12) ކޭކު އައިސް އަލަމާރިން ނަގަން ކައިރިވީމައި، ވިޕްޑް ކްރީމް ޓޮޕިންގް ތައްޔާރު ކުރާށެވެ. ވިޕްޑް ކްރީމް ޓޮޕިންގް ތައްޔާރު ކުރަން ހެންޑް މިކްސަރަކުން ހަކުރާއި ވިޕިން ކްރީމް ރަނގަޅަށް ވިޕް ކޮށްލާށެވެ. ރަނގަޅަށް ގިރުނީމައި މިކްސަރުގެ ގިރާއެތީގައި ހަރުލާފައި ހުންނަ ކްރީމްތައް ހުންނާނީ ދޯރި ބައްޓަމަށެވެ.

13) ދެން ކޭކުގެ މަތީގައި ވިޕްޑް ކްރީމް ފަތުރާލުމަށްފަހު އޭގެ ޕެޝަން ފުރުޓްގެ އޮއްތައް އޭގެ ދިޔަ ފޮދާއި ވެސް އެކު އާޅާލާފައި، ކޭކު ފަޅައިގެން ކާންވީއެވެ.