ހުޅުމާލެ ފޭސް 2ގައި ހަދާފައިވާ ވަގުތީ 2ވަނަ މިސްކިތް މަސްޖިދް އުޘްމާން ބިން ޢައްފާންއަށް ކުރިމަތިވެފައިވާ ޖާގައިގެ ދަތިކަން ހައްލު ކުރުމަށް ވަގުތީ ހައްލެއް ހޯދުމުގެ މަސައްކަތް ފަށައިފިއެވެ.
ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)އާއި އިސްލާމިކު މިނިސްޓްރީ ގުޅިގެން ކުރިއަށް ގެންދާ މަސައްކަތުގެ ދަށުން އެ މިސްކިތުގެ ޖާގަ އިތުރު ކުރުމުގެ މަސައްކަތް ކުރިއަށް ގެންދާއިރު އެ މަސައްކަތް ރަމަޟާންމަހަށް ނިންމުމަށް މަސައްކަތްކުރަމުންދާ ކަމަށް މިނިސްޓްރީން ބުނެއެވެ.
މިނިސްޓްރީން ބުނީ، މި މަސައްކަތުގެ ދަށުން އެ މިސްކިތަށް 600 މީހުންގެ ޖާގަ އިތުރު ކުރެވިގެންދާނެ ކަމަށާ، މަސައްކަތް ނިމުމުން އަންހެނުން ނަމާދުކުރުމަށް ބޭނުންކުރާ ބައިގެ ޖާގަވެސް އިތުރުވެގެން ދާނެ ކަމަށެވެ.
01 އެޕްރީލް 2022 ގައި ހުޅުވި މި މިސްކިތަކީ 600 މީހުންނަށް ނަމާދުކުރެވޭހެން ބިނާކޮށްފައިވާ މިސްކިތެކެވެ. ހުކުރުނަމާދުވެސް ކުރެވޭހެން ބިނާކޮށްފައިވާ މި މިސްކިތަކީ އަންހެނުންނާއި ފިރިހެނުންނަށްވެސް ނަމާދުކުރެވޭނެ އިންތިޒާމު ހަމަޖެހިފައިވާ މިސްކިތެކެވެ.
Advertisement
This content is created and paid for by advertisers and does not involve Voice Journalists
