ގެވެށި އަނިޔާގެ މައްސަލަތައް ފަސޭހަކަމާއިއެކީ ރިޕޯޓްކުރުމަށް ޖެންޑަރ މިނިސްޓްރީން ޔޫއެންއެފްޕީއޭ އާ ގުޅިގެން ފަރުމާކުރި "މަދަދުގާރު" އެޕްލިކޭޝަން އިފްތިތާޙްކޮށްފިއެވެ.

މި އެޕްލިކޭޝަން ތައާރަފް ކޮށްފައިވަނީ ބައިނަލްއަޤުވާމީ އަންހެނުންގެ ދުވަސް ފާހަގަކުރުމުގެ ގޮތުން ރޭ އުމަރު ޒާހިރު އޮފީސް ޢިމާރާތުގައި ބޭއްވި ރެހެންދި އެވޯޑް ހަފްލާ ތެރެއިންނެވެ. 

އެޕްލިކޭޝަން ޢާންމުކޮށް އިފްތިތާހްކޮށްދީފައި ވަނީ ރައީސުލްޖުމްހޫރިއްޔާގެ ނައިބު ފައިސަލް ނަސީމްއެވެ.

Advertisement

ގެވެށި އަނިޔާގެ އިތުރުން ވަކި މިންތިއަކަށް ވީތީ ކުރާ އަނިޔާއާ ގުޅޭ މައްސަލަތަކުގައި އެހީތެރިކަން ހޯދަން ބޭނުންވާ މީހުންނަށްވެސް "މަދަދުގާރު" މޮބައިލް އެޕް މެދުވެރިކޮށް އެހީތެރިކަން ހޯދޭނެ މަގު ފަހިވެގެންދާނެ ކަމަށް ޖެންޑަރ މިނިސްޓްރީން ބުނެއެވެ. 

އެގޮތުން، ގެވެށި އަނިޔާ އަދި ވަކި މިންތިއަކަށްވީތީ ކުރާ އަނިޔާއާ ގުޅޭގޮތުން މުޖުތަމަޢު ހޭލުންތެރިކުރުމަށްޓަކައި ތައްޔާރުކުރާ ވީހާވެސް ގިނަ މެޓީރިއަލްސް އެއް ޕްލެޓްފޯމަކުން ބަލާލުމުގެ ފުރުސަތު މި އެޕްލިކޭޝަން މެދުވެރިކޮށް ލިބިގެންދާނެ ކަމަށްވެސް އެ މިނިސްޓްރީން ބުނެއެވެ.