އާއިލާ އާއި ރަހުމަތްތެރިންނާއި އެނޫންވެސް ފަރާތްތަކަށް ލުއި ފަސޭހަ ކަމާއިއެކު ރޯދަ ހަދިޔާ ދެވޭނެ މަގު ފަހި ކޮށްދިނުމަށް ސިމްޑީން "ރޯދަ ހަދިޔާ"ގެ ނަމުގައި ހާއްސަ ޕެކުތަކެއް ނެރެފިއެވެ.

ސިމްޑީގެ ރޯދަ ހަދިޔާ ޕެކުތަކުގެ ތެރޭގައި ހަތަރު އަގެއްގެ ހަތަރު ޕެކެއް ހިމެނެ އެވެ. އެއީ؛

1) 500ރ. ގެ ޕެކް

2) 1،000ރ. ގެ ޕެކް

3) 1،500ރ. ޕެކް

4) 2،000ރ. ގެ ޕެކް

ރޯދަ ހަދިޔާ ގިފްޓު ޕެކުތަކުގެ ތެރޭގައި، އެ ކުންފުނިން ވިއްކާ ޖޫސް ހަދާ، މޯނިން ބްރޭންޑުގެ ސިރަޕާއި އިލީ ކޮފީ އާއި ދުނާރު ރައިސް ފަދަ ޕްރޮޑަކްޓުތައް ހިމެނެއެވެ. 

ސިމްޑީން ބުނީ "ރޯދަ ހަދިޔާ" ޕެކުތައް، ސިމްޑީ އެޕް މެދުވެރިކޮށް އޯޑަރު ކުރެވޭނެ ކަމަށާ އަދި އެ ގަންނަ ފަރާތްތައް ބޭނުން ތަނަކަށް ޑެލިވަރީ ކޮށްދިނުމުގެ ޚިދުމަތް ވެސް ދޭ ކަމަށެވެ. އެގޮތުން، ހަދިޔާ ގަންނަ އިރު، ފޮނުވަން ބޭނުންވާ ފަރާތުގެ އެޑްރެސް ހިމެނުމުން އެ ފަރާތަކަށް އެ "ރޯދަ ހަދިޔާ" ޕެކު ޑެލިވާކޮށްދޭނެ ކަމަށާ އަދި އެ ފޮނުވާ އިރު، ޕެކު ދޭން ބޭނުންވާ ފަރާތަށް ހާއްސަ މެސެޖެއް ދޭން ބޭނުންވާ ނަމަ އެ މެސެޖެއް ވެސް ހިމެނޭނެ ކަމަށެވެ. 

"ރޯދަ ހަދިޔާ"ގެ އިތުރުން ސިމްޑީން ވަނީ ރޯދަމަހާ ދިމާކޮށް 100،000ރ. ގެ އަގުހުރި އިނާމް ލިބޭ ހުށަހަޅާފައިވާ ޕްރޮމޯޝަނެއް ވެސް ފަށާފަ އެވެ. 

ފެބްރުވަރީ މަހުގެ 19 ވަނަ ދުވަހުން ފަށައިގެން 02 މޭއާ ހަމައަށް ކުރިއަށްދާ މި ޕްރޮމޯޝަންގައި ސިމްޑީގެ ފިހާރަތަކުންނާއި ސިމްޑީ އޮންލައިން އެޕް މެދުވެރިކޮށް މަދުވެގެން 500 ރުުފިޔާގެ ވިޔަފާރިކުރައްވައިގެން ބައިވެރިވެވޭނެއެވެ.

މި ޕްރޮމޯޝަންގެ ގްރޭންޑް ލަކީޑްރޯގެ ތިންވަނަ ފަރާތަކަށް ލިބޭނީ 25،000 ރުފިޔާގެ ސިމްޑީ ހޯމް ޕެކޭޖެއް، ދެވަނައަށް ދާ ފަރާތަކަށް 50،000 ރުފިޔާގެ ފައިސާގެ އިނާމެއް ލިބޭއިރު އެއްވަނައަށް ދާ ފަރާތަކަށް ލިބޭނީ 100،000 ރުފިޔާގެ ފައިސާގެ އިނާމެއް ލިބޭނެ ކަމަށް ސިމްޑީން ބުނެއެވެ. 

މީގެ އިތުރަށް، ކޮންމެ ހަފުތާއެއްގައިވެސް ނަސީބުވެރި ފަރާތެއް ހޮވަން ނިންމާފައިވާއިރު އެ ފަރާތަކަށް 500 ރުފިޔާގެ ގިފްޓު ވައުޗަރެއް ލިބޭނެކަމަށްވެސް ބުނެފައިވެއެވެ.