ރާއްޖޭގެ އަމަން އަމާންކަމުގެ ދާއިރާގެ އިދާރީ އެންމެ ބޮޑު ތަޖުރިބާކާރު، އިސްތަފާ އިބްރާހީމް މަނިކު މިއަދު އަވަހާރަވެއްޖެ އެވެ. އަވަހާރަވީ މުސްކުޅި ބަލީގައި އުމުރުފުޅުން 82 އަހަރުގައެވެ.
އިސްތަފާ ވަނީ މަޙުކަމަތުލް އަމަން އާންމު/ ވުޒާރަތުލް އަމަން ޢާންމު، މިނިސްޓްރީ އޮފް ޕަބްލިކް ސޭފްޓީ، މިނިސްޓްރީ އޮފް ޑިފެންސް އެންޑް ނޭޝަނަލް ސެކިއުރިޓީގެ އިދާރީ އިސް މަގާމުތައް އަދާކުރައްވައިފަ އެވެ. އެގޮތުން އެންމެ ފަހުން އަދާކުރެއްވީ ޑިފެންސް މިނިސްޓްރީގެ ޑިރެކްޓަރު ޖެނެރަލްގެ މަގާމެވެ.
ރާއްޖޭގެ އަމާންކަން ބެލެހެއްޓުމުގެ އިދާރީ މަސައްކަތުގެ އިތުރުން ޕްރިޒަންސް ޑިވިޝަން، ޑިޕާޓްމަންޓް އޮފް ކަރެންޝަންގެ ހިންގުމުގެ އިސްވެރިއެއްްގެ ގޮތުގައި އިސްތަފާ ވަނީ އެތައް އަހަރަކު އުޅުއްވާފައެވެ.
ސަރުކާރު މުއައްޒަފުންގެ ނާދީ އުފެދުނީއްސުރެ އެ ނާދީގެ އިދާރީ އިސްވެރިޔާވެރިޔާގެ ގޮތުގައި ވެސް ހުންނެވީ އިސްތަފާ އެވެ.
އޭނާ ވަނީ ދިވެހި ގައުމުގެ އަމަންއަމާންކަމާއި ގައުމީ ސަލާމަތާއި ދިފާއީ އިސް މަގާމުތަކުގައި ބައިގަރުނަށް ވުރެ ގިނަ ދުވަހު ހިދުމަތް ކުރައްވައިފަ އެވެ.
Advertisement
This content is created and paid for by advertisers and does not involve Voice Journalists
