Advertisement

މި ރޯދަަމަހު ރައީސް ޔާމީންގެ ދުޢާ އަކީ ގައުމު ސަލާމަތްކުރުމަށް ކުރާ މަސައްކަތް ކާމިޔާބުވުން: ޕީޕީއެމް

ޕީޕީއެމްގެ ރައީސް އަބްދުﷲ ޔާމީން/ ފޮޓޯ: ސަން

ރަމަޟާން މަހުގެ ތަހުނިޔާ އާއި ހެޔޮއެދުން ދިވެހި އެންމެހާ ރައްޔިތުންނަށާއި އިސްލާމީ އުންމަތަށް ކުރީގެ ރައީސް އަދި އިދިކޮޅު ރިޔާސީ ކެންޑިޑޭޓް ރައީސް ޢަބްދުالله ޔާމީން ޢަބްދުލްޤައްޔޫމް ފޮނުއްވާ ކަމަށް އިދިކޮޅު ކޯލިޝަނުން ބުނެފިއެވެ.

އެގޮތުން އެ ކޯލިޝަނުން ނެރުނު ނޫސް ބަޔާނެއްގައި ބުނެފައިވަނީ މި މަތިވެރި މައްސަރުގެ ބޭނުން ހެޔޮ ގޮތުގައި ހިތްޕެވުމަށާއި، ހެޔޮ ދަރުމައާއި ޘަވާބަށް އެދިގެން އެންމެހާ ރައްޔިތުންގެ ޢަމަލުތައް ސީދާ ކުރައްވާ މިމައްސަރުގެ ހެޔޮ ރަޙުމަތް ހޯދުމަށް ގަދައަޅާ މަސައްކަތް ކުރާ ބަޔަކަށް ވުމަށް އެންމެހާ ރައްޔިތުންނަށް ރައީސް ނަސޭހަތްތެރިވެ ވަޑައިގެންފައިވާ ކަމަށެވެ.

މިއާއިއެކު ބަރަކާތްތެރި ރަމަޟާން މަހު ޢާއިލާއާއި ރައްޔިތުންނާއި ވަކިން އެކަހެރިކޮށް ހުންނަވަން ޖެހުމުގެ ހިތްދަތިކަން އެމަނިކުފާނަށް އިޙުސާސްކުރެއްވުނު ނަމަވެސް، އެމަނިކުފާނުގެ ޢަޒުމަކަށްވެސް އަދި ހިތްވަރަކަށް އެއްވެސް ބަދަލެއް ނާންނަކަމަށާއި، ހުންނެވީ ވަރަށް ސާބިތުކަމާއެކު ވަރުގަދަކޮށްކަމުގައި ވިދާޅުވި ކަމަށް އެ ކޯލިޝަނުން ބުނެފައިވެއެވެ.

Advertisement

އަދި ރަމަޟާން މަހުގެ ދަރުމައާއި ޘަވާބަށް އެދި ގަދައަޅާ މަސައްކަތް ކުރައްވާއިރު، ޤައުމަށް ދިމާވެފައިވާ ގޮންޖެހުންތަކާއި، އަޅުވެތިކަމުން ދިވެހި ޤައުމު ސަލާމަތްކުރުމަށާއި، ވެއްޓިފައި މިވާ އަޑިގަނޑުން އަރައިގަތުމަށް ދިވެހި ރައްޔިތުން ކެނޑިނޭޅި ކުރައްވަމުން ގެންދަވާ މަސައްކަތްޕުޅަށް ހިތްވަރު ދެއްވައި އެމަސައްކަތްޕުޅު ހުއްޓަވާނުލައްވައި ކުރިއަށް ގެންގޮސްދެއްވުން އެއީ އެމަނިކުފާނަށް ލިބިވަޑައިގަންނަވާނޭ އެންމެ ބޮޑު ހިތްވަރުކަމުގައިވެސް އެމަނިކުފާނު ވަނީ ވިދާޅުވެފައި ކަމަށް ނޫސް ބަޔާނުގައިވެއެވެ.

މީގެ އިތުރުން ޤައުމު ސަލާމްތްކޮށްދެއްވައި، ޤައުމު އަލުން އަނބުރާ ހޯދުމަށް ދިވެހީން ކުރާ މަސައްކަތުގައި ބަރަކާތް ލައްވައި، ކާމިޔާބީ މިންވަރު ކުރެއްވުން އެދި ދުއާ ކުރައްވާކަމަށާއި، މި މައްސަރަކީ ހުރިހާ ގޮތަކުންވެސް މިޤައުމާއި ދިވެހި ރައްޔިތުންނަށް ލުއި ފަސޭހަ އަދި އަޅުކަމުގައި ޝާމިލުވެ އުޅުމުގެ ހެޔޮ ތައުފީޤު މިންވަރު ކުރައްވާފައިވާ މައްސަރެއްކަމުގައި ލެއްވުމަށާއި މިމައްސަރުގެ ހެޔޮ ދަރުމައާއި ޘަވާބު އެންމެހާ ދިވެހި ރައްޔިތުންނަށް މިންވަރު ކުރެއްވުން އެދި އެމަނިކުފާނު ދުއާ ކުރައްވާ ކަމަށް އެކޯލިޝަނުން ވަނީ ބުނެފައެވެ.

Advertisement

ކޮމެންޓް
އަލީ ބިން ޔޫސުފް
އަހަރުމެންގެ ދުއާއަކީ ގައުމު ލޫޓުވާލާފައި ތިބި ވަގުން ދާއިމަށް މާތް ﷲ ދުނިޔޭގައި ވެސް ހުރަގޭގައި ބަންދުގައި ބޭތިއްބެވުމެވެ. އަދި ކައްވަޅުގައާއި އާޚިރަތުގައި ވޭންދެނިވި އަޒާބެއް ދެއްވުމެވެ.
23 Mar 2023