އިޒްރާއިލް ސިފައިން ފަލަސްޠީނުގެ ދެކުނު އައްސޭރީގައި ފަލަސްޠީނުގެ ޒުވާނެއްގެ ބޮލަށް ބަޑި ޖަހައި ޝަހީދުކޮށްލައިފިއެވެ.

ފަލަސްޠީނުގެ ދެކުނު އައްސޭރީގައި އޮންނަ ތުލްކަރަމް ސިޓީގައި އިޒްރާއިލް ސިފައިން ހިންގި މިލިޓަރީ ރެއިޑެއްގައި ބޮލަށް ބަޑިޖަހައި ޝަހީދުކޮށްލައިފައިވަނީ 25 އަހަރުގެ އާމިރް އަބޫ ޚަދީޖާއެވެ. އާމިރްގެ މަރާއި ގުޅިގެން ތުލްކަރަމް ސިޓީގެ ގިނަ ބަޔަކު މަގުތަކަށް ނުކުމެ ނުރުހުން ފާޅުކޮށްފައި ވާކަމަށް ފަލަސްޠީނުގެ މީޑިއާ ތަކުން ރިޕޯޓް ކޮށްފައިވެއެވެ.

އާމިރްގެ މަރާއި ގުޅިގެން މީޑިއާ އާއި ވާހަކަ ދެއްކި ފަލަސްޠީނުގެ އޮފިޝަލަކު ބުނެފައިވަނީ އިޒްރާއިލް ސިފައިން ފަލަސްޠީނުގެ ރައްޔިތުންނަށް ދޭ ކުއްލި ހަމަލާތަކަށް ރަމަޟާން މަހާއި ގުޅުވައިގެންވެސް ހުއްޓުމެއް ނުގެންނަ ކަމަށެވެ.

Advertisement

އިޒްރާއިލްގެ މިލިޓަރީއިން ނެރެފައިވާ ބަޔާނުގައި ބުނެފައިވަނީ އެމީހުން ތުލްކަރަމް ގައި ހިންގި މިލިޓަރީ ރެއިޑަކީ މިލިޓަރީގެ އަންޑަރކަވަރ ޔުނިޓް ބައިވެރިވެގެން، ބަޑީގެ ހަމަލާތަކެއް ދިން މައްސަލައެއްގައި ތުހުމަތުކުރެވޭ މީހަކު ހޯދައި ހައްޔަރުކުރުމަށް ހިންގުނު ރެއިޑެއް ކަމަށެވެ.

އިޒްރާއިލްގެ ބަޔާނުގައި ބުނެފައިވަނީ އިޒްރާއިލް ސިފައިން ބުނެފައިވަނީ އެމީހުން އެމީހާގެ ގަޔަށް ބަޑިޖެހީ އެމީހާ އިޒްރާއިލް ސިފައިންނަށް ހަމަލާދިނުމަށް ހަތިޔާރު އަމާޒުކުރުމުން ކަމަށެވެ. އަދި އާމިރް އަކީ، މިފަހަކަށް އައިސް ދެކުނު އައްސޭރީގައި އުފެދި ފުޅާވަމުން އަންނަ ތުލްކަރަމް ބްރިގޭޑްގެ އެއް ފައުންޑަރ ކަމަށް ވެސް އިޒްރާއިލް ސިފައިން ވަނީ ބުނެފައެވެ.

ފަލަސްޠީނުގެ ފަތަޙް މޫވްމެންޓުގެ އެކްޓިވިސްޓެއް ކަމަށްވާ މުރާދް ދުރާބީ ބުނެފައިވަނީ އިޒްރާއިލް ސިފައިން އާމިރް ހުރި ގޭގެ ވަށާލުމުގެ ކުރިން އެގެހުރި ތުލްކަރަމްގެ ހިސާބުގަނޑު ކަމަށްވާ ޝުފްޢާ އަށް ވަދެ ގަނެ އެ ހިސާބަށް ވަދެވެން އޮންނަ މައި މަގު ބަންދުކޮށް އެހިސާބުގަނޑުގެ މީހުންނާއި ވެހިކަލްތައް ވަނުން ހުއްޓުވި ކަމަށެވެ.

ފަލަސްޠީނުގެ މީޑިއާއިން ބުނެފައިވަނީ އިޒްރާއިލް ސިފައިން

އާމިރް އޭރު ހުރި ފްލެޓްގެ ވެރިމީހާ ވެސް ހައްޔަރުކޮށްގެން ގެންދިޔަ ކަމަށެވެ.

މިދިޔަ އަހަރުގެ ރަމަޟާން މަހުވެސް ޖާރުއްސަލަމްގައި ހުންނަ މަސްޖިދުލް އަޤްޞާގައި ފަލަސްޠީނުގެ މުސްލިމުންގެ އެއްވުންތަކުގެ ތެރައަށް ހަމަލާތައް ވަނީ ދީފައެވެ.