ހަވާދުލީ ބިހަކީ އެކި މީހުން އެކި ގޮތަށް ތައްޔާރު ކުރާ އެއްޗެކެވެ. ބައެއް މީހުން ޓޮމާޓޯ ޕޭސްޓް ލައިގެން އެ ހެދުމަށްފަހުވެސް ހަވާދުލީ ބިހުގެ ނަމުން ނަން ދެއެވެ. ނަމަވެސް ހަވާދުލީ ބިހުގެ "ފޭނުން" އެއަށް ކިޔަނީ ޓޮމާޓޯ ބިހެވެ. މިއަދު ވޮއިސް ގެ ބަދިގެއިން މި ގެނެސްދެނީ ޓޮމާޓޯ ހަވާދުލީ ބިހުގެ ރެސިޕީ އެއް ނޫނެވެ. މިއީ އަސްލު ހަވާދުލީ ބިހުގެ ރެސިޕީ އެވެ. 

2 ޖޯޑު ފުށް

1 ސައިސަމުސާ ލޮނު

3/4 ޖޯޑު ތެޔޮ

ހޫނު ފެން

1. ބޯތަށްޓެއްގައި ފުށާއި ލޮނާއި ތެޔޮ ފޮދު އެއްކޮށްލާށެވެ.

2. ދެން މަޑުމަޑުން ހޫނު ފެންފޮދު އަޅަމުން ފުށްގަނޑު މޮޑެން ފަށާށެވެ. ފުށްގަނޑު މޮޑޭނީ އެ މަޑުކޮށް އަދި ކުޑަކޮށް އިލާސްޓިކްކޮށް އޮންނަ ވަރު ވަންދެނެވެ.

3. މޮޑުނު ފުށްގަނޑުން ވަށްކޮށް ގުޅަ ހަދާލާށެވެ. ގާތް ގަނޑަކަށް 20 ގުޅަ ހެދޭނެއެވެ.  

1 ފިޔާ (ތުނިކޮށް ކޮށާފައި) 

½ ޖޯޑު ހުނި

½ ސައިސަމުސާ ގާނާފައިހުރި އިނގުރު

1/4 ސައި ސަމުސާ ލޮނު (ނޫނީ ރަހަލާ ވަރަށް)

½ ލުނބޯ 

1 މަސްދަޅު

¼ ސައިސަމުސާ ރީނދޫ

ގިތެޔޮ މިރުސް (ތުނިކޮށް ކޮށާފައި)

ހިކަނދިފަތް (ތުނިކޮށް ކޮށާފައި)

1) ބޯތަށްޓަކަށް ފިޔާއާއި، އިނގުރާއި، ލޮނާއި، އަޅާފައި ލުނބޯ ހުތް ޖަހައިގެން ރަނގަޅަށް މޮޑޭށެވެ.

2) ދެން ހިކަނދިފަތާއި، ގިތެޔޮމިރުހާއި، މަސްދަޅާއި، ރީނދޫކޮޅުވެސް އެއަށް އަޅާފައި އަނެއްކާވެސް ހުރިހާ އެއްޗެއް ރަނގަޅަށް އެއްވަންދެން މޮޑެލާނީއެވެ. އެއަށްފަހު ހުނި ކޮޅު އަޅާލައިގެންވެސް ރަނގަޅަށް މޮޑެލާށެވެ. 

3) ދެން މޮޑުނު މަސްގަނޑުންވެސް 20 ގުޅަ ޖަހާލާށެވެ. 

4) އެއަށްފަހު ފުށް ގުޅަ ފަތާ ކޮށްލުމަށްފަހު އޭގެ ތެރެއަށް މަސްހުނި ގުޅައެއް ލުމަށްފަހު މަސްގަނޑުގެ ވަށައިގެން ފުށްގަނޑު ލައްޕާލާށެވެ. ދެން ބިހެއްގެ ބައްޓަން ނިކުންނާނެގޮތަށް ވަށާލާށެވެ. 

5) ދެން 5 ޖޯޑު ފެނުގެ ތެރެއަށް ½ މޭޒުމަތީ ސަމުސާ ތެޔޮ އެޅުމަށްފަހު އެ ކެކި ގަތުމުން ބިސްތައް އެއަށް އަޅައި 15 މިނެޓް ވަންދެން ކައްކާލާފައި ތައްޓެއްގެ ތެރެއަށް ލުހެލާށެވެ. 

5 މޭޒުމަތީ ސަމުސާ ދިވެހި ދެވި ހަވާދު (ހިމުންކޮށް މުގުރާފައި) 

1 ބޮޑު ފިޔާ (ތުނިކޮށް ކޮށާފައި)

2 ލޮނުމެދު (ކުދިކޮށް ކޮށާފައި)

1/2 ސައި ސަމުސާ އިނގުރު (ގާނާފައި)

ހިކަނދިފަތް

ލޮނު (ރަހަ ލާވަރަށް) 

1/2 ޖޯޑު ކާށީ ކިރު ނުވަތަ ފެން

ރާނބާފަތް

ގިތެޔޮ މިރުސް

ތެޔޮ

1) ތެއްޔަކަށް ތެޔޮ ފޮދެއް އަޅައި ހޫނު ކޮށްލުމަށްފަހު، ފިޔާއާއި، ލޮނުމެދު، އިނގުރު، ހިކަނދިފަތް އަދި ރާނބާފަތް އެއަށް އަޅައި މަޑު ގިނީގައި އެ ތަކެތި މޯޅި ވަންދެން ކައްކާލާށެވެ. 

2) ދެން އޭގެ ތެރެއަށް ގިތެޔޮ މިރުހާއި ހަވާދު އެޅުމަށްފަހު ގާތްގަނޑަކަށް 3 މިނެޓް ވަރު ވަންދެން ހަވާދު ގަނޑުވެސް ކައްކާލާށެވެ. 

3) އެއަށްފަހު ކާށީގެ ކިރު ފޮދު އަދި ލޮނު ކޮޅުވެސް އަޅާލައި އެކުލަވައި ލުމަށްފަހު އޭގެ ތެރެއަށް ކެއްކި ބިސްތައް އަޅާލާށެވެ. 

4) ރަނގަޅަށް ބިސްތަކުގެ ބޭރުގައި ހަވާދު އުނގުޅުމަށްޓަކައި ބިސްތައް ހަވާދު ގަނޑުގެ ތެރޭގައި ފުރޮޅާލާ ހަދާށެވެ.

5) ރަނގަޅަށް އެކުލެވުމިން އުނދުން ނިއްވާލާށެވެ.