އިންޑިޔާގެ ލާޖްޕަތް ނަގަރްގައި މުސްލިމުން ތަކެއް އަމިއްލަ ގޭގައި ތަރާވީޙް ނަމާދަށް ތިއްބައި ޕޮލިހުންނަށް އެންގުމުން ޕޮލިހުން ނަމާދަށް ތިބި މީހުން ހުއްޓުވައިފިއެވެ.

އުއްތަރްޕްރަދޭޝްގެ މޮރޮދާބާދް ކިޔާ ޕްރޮވިންސްގެ ލާޖްޕަތް ނަގަރްގައި އުޅޭ މުސްލިމެއް ކަމަށްވާ ޒާކިރް ކިޔާ މުސްލިމަކު އޭނާގެ ގޭގައި އިތުރު އެހެން މުސްލިމުން ތަކާކާއި އެކު ޖަމާޢަތް ހަދައިގެން ތަރާވީޙް ނަމާދު ކުރަމުންދަނިކޮށް ހިންދޫ ދީނުގެ ޖަމާޢަތެއް ކަމަށްވާ ބަޖްރަންގް ދާލްގެ މެމްބަރުން ވަނީ އެކަން ހުއްޓާލުމަށް ގޮވާލައި ފުލުހުންނަށް އެކަން އަންގައި ޒާކިރު އާއި އޭނާ އާއި އެކު ނަމާދު ކުރަން ތިބި އެހެން މުސްލިމުންނާއި ދެކޮޅަށް މައްސަލަ ފައިލް ކޮށްފައެވެ.

އަދި ލާޖްޕަތް ނަގަރްގެ ޕޮލިހުން ވަނީ ޒާކިރްގެ އަމިއްލަ ގޭގައި ކުރެވެމުންދިޔަ ތަރާވީޙް ނަމާދުގެ ޖަމާޢަތް ހުއްޓުވާފައެވެ.

Advertisement

ބަޖްރަންގް ދާލްގެ މެމްބަރު ރާހުލް ސަކްސޭނާ ބައެއް މީޑިއާ ތަކަށް އިންޓަރވިއު ދެމުން ބުނެފައިވަނީ ލާޖްޕަތް ނަގަރްގައިވެސް، މޮރޮދާބާދުގައި ކީއްކުރަން އުއްތަރްޕްރަދޭޝްގެ އެއްވެސް ތަނެއްގައި މުސްލިމުންނަށް އައު ކަންކަން ތަޢާރަފްކޮށްގެން މިހެން ނުކުރެވޭނެ ކަމަށް ބުނެފައެވެ. އަދި މިފަދަ ކަންކަންކުރާ މީހުން ހުއްޓުވާނެ ކަމަށް އޭނާ ފަޚުރުވެރި ކަމާއި ބޮޑާ ކަމާއި އެކު ބުނެފައިވެއެވެ.

އިންޑިޔާ ފުލުހުން ނަމާދަށް ތިބި މުސްލިމުންނަށް އެމީހުންގެ ހައްޤު ހޯދައި ދިނުމުގެ ބަދަލުގައި ވަނީ ނަމާދަށް ތިބި މުސްލިމުންގެ ވީޑިއޯ ކޮށް އެމީހުންގެ ނަމާދު ހުއްޓުވައިފައެވެ.

ހަމަ މިރަމަޟާން މަހު ލާޖްޕަތް ނަގަރްގެ ދަގަނޑު ގުދަނެއްގެ ތެރޭގައި ނަމާދަށް ހުރި އެތަނުގެ ވެރިފަރާތް ނަމާދުކުރުން ހުއްޓުވާފައިވާ ކަމަށްވެސް ޠާރިޤް އަންވަރު ކިޔާ އިންޑިޔާގެ މުސްލިމަކު ޓްވީޓެއްގައި ބުނެފައިވެއެވެ.