އިއްޔެ ވޮއިސްގެ ބަދިގެއިން ވާނީ ބާގަރ ސޯސް ތައްޔާރު ކޮށްލާނެ ގޮތެ ގެނެސްދީފައެވެ. އެހެން ކަމުން މިއަދު މި ގެނެސްދެނީ ސޯސް ބޭނުން ކޮށްލައިގެން ވަރަށް މީރުކޮށް ކްރިސްޕީ ޗިކަން ބާގަރ ތައްޔާރު ކޮށްލާނެ ގޮތެވެ. މި ރެސިޕީން ތައްޔާރު ކޮށްލެވޭނީ 2 ބާގަރއެވެ.

170ގ ބޯންލެސް ޗިކަން މުގުރާފައި

2 ލޮނުމެދު (ގާނާފައި)

1/2 ސައިސަމުސާ އިނގުރު (ގާނާފައި)

¼ ސައިސަމުސާ ލޮނު (މަސްގަނޑަށް) 

¼ ސައިސަމުސާ އަސޭމިރުސް

1/2 ސައި ސަމުސާ ތެޅި މިރުސް

1 ބިސް

1/2 ޖޯޑު ފުށް

1/2 ސައި ސަމުސާ ކޯން ފްލާރ

1/4 ސައި ސަމުސާ ރީނދޫ

1/3 ޖޯޑު ތެޔޮ

1) ކުކުޅު، ލޮނުމެދު، އިނގުރު، އަސޭމިރުސް، 1/4 ސައި ސަމުސާ ތެޅި މިރުސް، ލޮނު އަދި ބިސް އެކުލަވާލާށެވެ. 

2) އެއްކުރި ސާމާނު ދެބަޔަށް ބަހާލާފައި ކޮންމެ ބަޔަކަށްވެސް ބާގަރ ޕެޓީއެއްގެ ބައްޓަން ގެންނާށެވެ. 

3) ދެން ފުށާއި، ކޯން ފްލާރ، 1/4 ސައި ސަމުސާ ތެޅި މިރުސް، އަދި ރީނދޫ ކޮޅަށް ކުޑަ ލޮނު ކޮޅެއްވެސް އަޅާލުމަށްފަހު ތައްޓެއްގައި އެކުލަވާލާށެވެ. 

4) އެއަށްފަހު ބާގަރ މަސްގަނޑު ފަހަރަކު މަސްގަނޑެއް އެއަށްލަައި ރަނގަޅަށް ފުށް އުނގުޅާލާށެވެ. 

5) ދެން ތެޔޮ ފޮދު ތަވާއަށް އެޅުމަށްފަހު ދެފުށަށް ޖަހަމުން ބާގަރ މަސްގަނޑު ފިހެލާށެވެ. 

8 މޭޒުމަތީ ސަމުސާ ބާގަރ ސޯސް

1 ބޮޑު ފިޔާ

1/2 ސައި ސަމުސާ ސޯޔާ ސޯސް

1/2 ސައި ސަމުސާ އޮއިސްޓާ ސޯސް

2 ބާގަރ ބަން

2 ފޮތި ސްލައިސް ޗީޒް

ލެޓިއުސް ފަތް

1 ޓޮމާޓޯ (ފޮތި ކޮށްފައި) 

ތެޔޮ 

ފްރައިޑް ޗިކަން ސޯސް 

1) ބާގަރ ބަން ދެ ފަޅިއަށް ފަޅާލުމަށްފަހު، ކުރިން މަސްގަނޑު ތައްޔާރު ކުރި ތަވާގައި ބާކީ ހުރި ތެޔޮ ފޮދުން ބާގަރ ބަންގެ އެތެރެ ފެހެލާށެވެ. 

2) ދެން އެ ތަވައަށް އިތުރު ތެޔޮ ފޮދެއް އެޅުމަށްފަހު ފިޔާކޮޅު ފްރައި ކޮށްލާށެވެ. ފިޔާ މޯޅި ވުމުން އޮއިސްޓާ ސޯސް އަދި ސޯޔާ ސޯސް ވެސް އަޅާލައި އެކުލަވައިލުމަށްފަހު އުނދުން ނިއްވާލާށެވެ. 

3) ފިހުނު ބާގަރ ބަނަހުގެ ތިރީ ފަޅީގައި 2 ސައި ސަމުސާ ބާގަރ ސޯސް އުނގުޅާލާށެވެ.

4) ދެން އޭގެ ލެޓިއުސް ފަތެއް ބޭއްްވުމަށްފަހު ފަތް މަތީގައި މަސް ގަނޑު ބާއްވާށެވެ.

5) އެއަށްފަހު މަސްގަނޑު މަތީގައި ޗީޒް ފޮއްޗެއް ބާއްވާފައި ޗީޒް ފޮތި މަތީގައި ފިޔާ ކޮޅެއް އަތުރާލާށެވެ.

6) ދެން ފިޔާމަތީގައި، ޓޮމާޓޯ ދެފޮތި ނުވަތަ ތިން ފޮތި ބޭއްވުމަށްފަހު އޭގެ މަތީގައި ދެ ސައި ސަމުސާ ބާގަރ ސޯސް އުނގުޅާލާށެވެ.

7) އެންމެ ފަހު ކަމަކަށް ބަންގެ މަތީފަޅީގައި ސޯސް ކޮޅެއް އުނގުޅާލުމަށްފަހު ބާގަރ ގެ މަތީގައި ބާއްވައި ޓޫތްޕިކެއް ބާގަރ ތެރެއަށް ހަރާލާށެވެ. މިހާރު އެހުރީ ބާގަރ ތައްޔާރު ވެފައެވެ.