ހުޅުމާލޭގައި ފްލެޓް އަޅަމުން އަންނަ އިންޑިޔާގެ ކުންފުންޏެއް ކަމަށްވާ ޖޭއެމްސީ ގެ މުވައްޒަފުންތައްކެއް ހުޅުމާލޭގައި މުޒާހަރާއެއް ކޮށްފިއެވެ.
މި މުވައްޒަފުންނަކީ އެކުންފުނިން ހުޅުމާލޭގައި ޢިމާރާތް ކުރަމުންއަންނަ ހައުސިންގ ޔުނިޓްތަކެއްގެ އެޅުމުގެ މަސައްކަތް ކުރަމުންދާ މުވައްޒަފުންތަކެކެވެ. މިއީ ރައީސް ޞާލިހްގެ ބޯހިޔާ ވަހިކަމުގެ މަޝްރޫއުގައި ހިމެނޭ ހައުސިންގ ޔުނިޓުތަކުގައި މަސައްކަތަ ކުރަމުން އަންނަ މުވަޒަފުންކަން ފާހަގަކޮށްލަންޖެހެއެވެ.
މުޒާހަރާ ކޮށްފައިވަނީ މުސާރަ ނުދީ ލަސްވާ މައްސައާއި ގުޅިގެން ކަމަށް އެ މުވަޒަފުން މައުލޫމާތު ދީފައިވެއެވެ.
މުޒާހަރާކޮށް އިހްތިޖާޖް ކުރަމުންދާ މީހުން ބުނެފައިވަނީ އެމީހުންގެ މުސާރަ ކުންފުނިން ދީފައި ނުވާކަމަށާއި ކެއިންބުއިމުގެ ކަންކަންވެސް އެކަށީގެންވާ ގޮތުގައި ފޯރުކޮށްދީ ފައިނުވާކަމަށެވެ. އަދި މުޒާހަރާތެރެއިން އެމީހުންވަނީ ކުންފުނީގެ އިސްވެރިއަކު ހުރި ކާރެއްގެ ކުރިމައްޗަށް އަރައި ކާރު ކުރިއަށް ދިއުމަށް ހުރަސް އަޅައިފައެވެ.
މުޒާހަރާ ކޮންޓްރޯލް ކުރުމަށް ފުލުހުން މުޒާހަރާ ކުރި ސަރަހައްދަށް ގޮސް ކަރުނަގޭސް ޖަހައިފައިވެއެވެ. އަދި މުޒާހަރާކުރަމުންދިޔަ މީހުން ހުރަސް އަޅަމުންދިޔަ ކާރުގައި ހުރި ޖޭއެމްސީ ކުންފުނީގެ އިސްވެރިއަކު ކަމަށްބުނާ މީހާ ގެންގޮސްފައެވެ.
ޖޭއެމްސީ ކުންފުންޏަކީ ފަހިދިރިއުޅުން ކޯޕަރޭޝަނުން ހުޅުމާލޭގައި އަޅާ ހައުސިންގ ޔުނިޓްތައް އެޅުމާއި ހަވާލުވެ އެމަސައްކަތް ކުރާ ކުންފުންޏެވެ.
Advertisement
This content is created and paid for by advertisers and does not involve Voice Journalists
