ހުޅުމާލޭ 2 ވަނަ ފިޔަވަހީގައި ފަހި ދިރިއުޅުން ކޯޕަރޭޝަނުން އިންޑިއާގެ ޖޭއެމްސީއާ ހަވާލުކޮށްގެން ހިންގާ ހައުސިން މަޝްރޫޢުގެ މަސައްކަތްކުރާ މަސައްކަތްތެރިންނަށް ކާންދެނީ ހަލާކުވެފައި ހުންނަ މަހާއި ތަރުކާރީކަމަށް އެ މީހުން ބުނެފިއެވެ.
ހުޅުމާލޭގައި އިންޑިއާގެ މަސައްކަތްތެރިން އުޅެމުންދާ ގޮތް އެމީހުން ވަނީ "ވޮއިސް" ޓީމަށް ދައްކާލާފަ އެވެ.
އެމީހުން ކިޔައިދިން ގޮތުގައި އެމީހުންނަށް ކާން ހުންނަނީ ފުސްޖަހާ ހަލާކުވެފައި ހުންނަ މަހެވެ. އަދި އެމީހުން ކާން ގެނެސްފައި ހުންނަނީ ހަލާކުވެގެން އުކާލަން ނަގާފައި ހުންނަ ތަރުކާރީއެވެ.
ވޮއިސް ޓީމުން ވާނީ އެމީހުން ދިރިއުޅޭ ސަރަހައްދަށް ގޮސް އެކަންކަން ބަލާފަ އެވެ. އެގޮތުން ބެލި ބެލުމުން މުވަޒަފުން ކާން ބޭނުންކުރާ މަސް ރައްކާކުރާ ސަރަހައްދުންނާއި މަސް ފިނިކުރާ އަލަމާރިން މަސްކުނި ވަސް ވަރަށް ގަދައަށް ދުވައެވެ. އަދި މަސްތައް ހަލާކުވެ ކުނިވެފައިވާކަން ފާހަގަކުރެވުނެވެ.
ބަލި ހާލަތު ބޮޑުވެފައިވާ ޖޭއެމްސީގެ މަސައްކަތްތެރިއެއް/ ފޮޓޯ: ވޮއިސް
އެމީހުން ކިޔައިދިން ގޮތަށް، މަސައްކަތްތެރިން ކާން ހުރި މަހުގައި ވަނީ ފުސް ޖަހާ ހަލާކުވެފައެވެ. ގިނަ ދުވަސްވެ ނުބައި ވުމުގެ ސަބަބުން އެ މަސްތަކުގައި ހުރީ ފުޅަ އަޅާފަ އެވެ.
އެމީހުން ކިޔައިދިން ގޮތަށް ކާން ގެނެސްފައި ހުރި ތަރުކާރީތައްވެސް އަދި ބިސްތައްވެސް ހުރީ ހަލާކުވެފައެވެ.
އިންޑިއާ މަސައްކަތްތެރިންނަށް ކާން ދިނުމަށް ހުރި ބިސްތައް ހަލާކުވެފައި
އެމީހުން ބުނީ ކުނިވެ ހަލާކުވެފައި ހުންނަ އެއްޗިހި ކާން ޖެހޭތީ ވަރަށް އަވަސް އަވަހަށް މީހުން ބަލިވާ ކަމަށެވެ.
އެމީހުން ކިޔައިދިން ގޮތުގައި ހަލާކުވެފައި ހުންނަ އެއްޗިހި ކާން ޖެހޭތީ ކާނާ ވިހަވުމުގެ ސަބަބުން މުވައްޒަފުން ވަރަށް އަވަސް އަވަހަށް ބަލިވެއެވެ.
އިންޑިއާގެ މަސައްކަތްތެރިން ކާން ގެނެސްފައިހުރި މަސްތައް ހަލާކުވެފައި/ ފޮޓޯ: ވޮއިސް
އެހެން ނަމަވެސް ބަލިވެގެން ޑޮކްޓަރަށް ދައްކާން އެދުނަސް، ބޭސްފަރުވާކޮށް ނުދޭކަމަށާއި، ބަދަލުގައި ދެނީ އިންޒާރުކަމަށް އެމީހުން ކިޔައިދިނެވެ.
އެމީހުން ބުނީ ބޭސްފަރުވާކޮށް ނުދޭތާ މުސާރަކޮޅުވެސް ނުދޭތީ އެމީހުންނަށް ފަރުވާ ހޯދޭނެ އެއްވެސް ގޮތެއް ނޯންނަކަމަށެވެ. ބަލިވެގެން މަސައްކަތަށް ނުދާނަމަ ދޭ މުސާރަކޮޅުން ވެސް ކަނޑާނެ ކަމުގެ އިންޒާރުތައް ދޭއިރު، ބަލިވިޔަސް މަސައްކަތަށް ނުކުންނަ މީހުން ތިބޭކަމަށް އެ މުވައްޒަފުން ކިޔައިދިނެވެ.
އެހެން ނަމަވެސް މަސައްކަތްތެރިން ބަލިވިޔަސް ބޭސްފަރުވާކޮށް ނުދޭ ކަމަށާއި، ޑޮކްޓަރަށް ދެއްކުމަށް ކުންފުނިން ފައިސާވެސް ފޯރުކޮށް ނުދޭކަމަށެވެ. އޭގެއިތުރުން މުސާރަވެސް ނުދޭއިރު، އެމީހުން ތިބެނީ ގޮތް ހުސްވެފައިވާކަމަށް ޖޭއެމްސީގެ މުވައްޒަފުން ކިޔައިދިނެވެ.
Advertisement
This content is created and paid for by advertisers and does not involve Voice Journalists
