އެގްރޯނެޓް ގެ މެނޭޖިން ޑިރެކްޓަރުގެ މަގާމުގައި ހުންނެވި ހާރޫން ރަޝީދު އެ މަގާމުން ވަކިކޮށްފި އެވެ.

ހާރޫން މަގާމުން ވަކިކޮށްފައިވަނީ މިއަދުގެ ވަގުތެއްގައެވެ.

ހާރޫނަކީ އެމްޑީޕީގެ ރައީސް މުހައްމަދު ނަޝީދު އުފައްދާފައިވާ "ފިކުރެއްގެ ދިރުން" ފެކްޝަންގައި އިސްކޮށް އުޅުއްވާ ފަރާތެކެވެ.

Advertisement

ހާރޫންގެ އިތުރުން ނަޝީދަށް ތާއީދު ކުރެއްވާ ސަރުކާރުގެ އިސް މަގާމުތަކުގައި ތިއްބެވި ގިނަ ބޭފުޅުންތައް މަގާމުތަކުން ވަކިކުރުމުގެ ކަންކަން ސަރުކާރުން އަންނަނީ ކުރަމުންނެވެ. 

އެގޮތުން އެސްޓީއޯގެ މެނޭޖިން ޑިރެކްޓަރު ހުސައިން އަމްރު އެ މަގާމުން ވަކިކޮށްފައިވާއިރު، އެމްޑީޕީގެ ނައިބު ރައީސް، މުޙައްމަދު ޝިފާޒު ވެސް ވަނީ ރައީސް އޮފީހުގެ މިނިސްޓަރު ކަމުގެ މަގާމުން ވަކި ކުރައްވައިފައެވެ.

މީގެ އިތުރުން އެންވަޔަރަމެންޓް މިނިސްޓްރީގެ އެގްޒެކްޓިވް ޑިރެކްޓަރަކު މަގާމުގައި ހުންނެވި ލަގީބް މުހައްމަދު މާހިދާއި، ގއ. ކޮލަމާފުށި ޔޫތު ސެންޓަރުގެ، ޔޫތު އެސޯސިއޭޓްގެ މަގާމުގައި ހުރި އެރަށު ބޮންތި، ސައްފަތުالله ޖަމީލް ވެސް ވަނީ މަގާމުން ވަކިކޮށްފައެވެ.