ކުރިއަށްމިދާ ބަރަކާތްތެރި ރަމަޟާން މަހާއި އެކު އަވައްޓެރި އިންޑިޔާގައި އުޅޭ މުސްލިމުންނަށް އެޤައުމުގެ ހިންދޫންގެ ފަރާތުން ކުރިމަތިވަމުން އަންނަ ދުއްތުރާތައް ވަނީ ވަރަށް ބޮޑަށް އިތުރުވެފައެވެ.

އެގޮތުން މީގެ އެއްދުވަސް ކުރިން އިންޑިޔާގެ މިސްކިތެއްގައި އިމާމްވެ ނަމާދުކުރާ އިމާމެއްގެ ގައިގައި އެއްވެސް ރަޙްމެއް ނެތި ވަނީ ތަޅާ އަނިޔާކޮށްފައެވެ. އަދި ހަރުކަށި ހިންދޫން އޭނާ އަށް "ޖެއިޝްރީރާމް" ކިޔަން އެންގުމުން އޭނާ އެހެން ނުކިޔުމުން އެއިމާމްގެ ތުނބުޅި ގަދަކަމުން ކޮށާލައި އެނޫންވެސް ބޮޑެތި އަނިޔާތަކެއް ވަނީ ދީފައެވެ. މިއަނިޔާ ތަކުގެ ސަބަބުން އޭނާ ވަނީ ފަރުވާ ހޯދުމަށް ހޮސްޕިޓަލުގައި އެޑްމިޓް ކުރެވިފައެވެ.

އަދި މިއަދުވެސް ހައްދުފަހަނައެޅި ހިންދޫން ވަނީ މުސްލިމުން އަޅުކަންކުރާ މިސްކިތެއްގެ ކައިރީގައި އަޑުގަދަކޮށް އެމިސްކިތުގައި ނަމާދަށް ތިބި މުސްލިމުންނަށް މަލާމަތްކޮށް އާޑަ ފުރައްސާރަކޮށްފައެވެ. އަދި ހިންދޫ ދީނުގެ އަޤީދާއާއި ގުޅޭ ބަސްތަކުން އަޑުގަދަ ކުރަމުންދިޔަ މަންޒަރު ދައްކުވައިދޭ ވީޑިއޯތައް ސޯޝަލް މީޑިއާގައި ދަނީ ދައުރުވަމުންނެވެ.

Advertisement

އިންޑިޔާގެ ގުޖުރާތުގައި ހުންނަ މިސްކިތެއްގެ ކުރިމައްޗަށް އެއްވި ހިންދޫން ތަކެއް ވަނީ މިސްކިތުގެ ކައިރީގައި އަޑުގަދަކޮށް ލަވަޖަހައި އެދީނުގެ ޝިއާރުތައް ފާޅުކޮށްފައެވެ. އަދި މިސްކިތައް އޮއްގައު އުކައި މުސްލިމުންނަށް އުނދަގޫ ކުރި ކަމަށް ވެސް ޓްވިޓާގައި މިފަދަ ކަންކަން ދުނިޔެއަށް ހާމަކޮށްދިނުމަސް މަސައްކަތް ކުރާ އިންޑިޔާގެ މީހެއް ކަމަށްވާ އަޝޯކް ސުވައިން ވަނީ ބުނެފައެވެ.

މީގެ އިތިރުން ވެސް އިންޑިޔާގެ އުއްތައްޕްރަދޭޝްގެ އަވަށެއްގައި އަމިއްލަ ގޭގައި ނަމާދަށް ތިބި ބަޔަކަށް ހުރަސް އަޅައި ފުލުހުން ގެނެސް ނަމާދުކުރުން ހުއްޓުވައިފައިވެއެވެ.