ޚިދުމަތް ލުއިފަސޭހަކުރަން އަރބަންކޯ އިން އެޕްލިކޭޝަނެއް
އާއްމުންނަށް ދޭ ޚިދުމަތްތައް ލުއިފަސޭހަކުރުމަށް އަރބަންކޯއިން "އަރބަންކޯ އެޕްލިކޭޝަން"ގެ ނަމުގައި އެޕެއް ތައާރަފްކޮށްފިއެވެ.
ހައުސިން ޑިވެލޮޕްމަންޓް ކޯޕަރޭޝަން އިތުރަށް ފުޅާކުރުމަށް ކުރަމުންދާ މަސައްކަތުގެ ދަށުން އެ ކޯޕަރޭޝަންގެ ނަން އަރބަންކޯ އަށް މިހާރު ވަނީ ބަދަލުކޮށްފައެވެ.
އާބަންކޯއިން އަބަދުވެސް މަސައްކަތް ކުރަނީ އެ ކޯޕަރޭޝަނާއި ރައްޔިތުންނާ މެދު އޮތް ގުޅުން ބަދަހިކޮށް، އެ ކޯޕަރޭޝަނުންދޭ ޚިދުމްތައް ރައްޔިތުންނަށް ހޯދުމަށް ލުއިފަސޭ ކޮށްދީ ދެފުށް ފެންނަ ރައްޔިތުންނާ ގާތުން ޚިދުމަތްދޭ ތަނަކަށް އެތަން ހެދުމަށް ކަަމަށް އެ ކޯޕަރޭޝަނުން ބުނެއެވެ.
މި އަމާޒަށް ވާސިލްވުމަށްޓަކާ އަރބަންކޯއިން "އަރބަންކޯ އެޕްލިކޭޝަން" ގެ ނަމުގައި އެ ކޯޕަރޭޝަންގެ ޚިދުމަތްތައް ހޯދޭނެ އެޕްލިކޭޝަނެއް ތައާރަފްކޮށްފައިވާ ކަމަށްވެސް އެ ކޯޕަރޭޝަނުން މައުލޫމާތު ދެއެވެ.
މި އެޕްލިކޭޝަންގެ ތެރެއިން އާންމުންނަށް ވަގުތުން މައްސަލަތައް ރިޕޯޓުކޮށް، ޝަކުވާ ހުށަހެޅުމުގެ ފުރުސަތު ލިބިގެންދާއިރު އެ ކޯޕަރޭޝަންގެ މަސައްކަތްތައް ބަލާލުމާއި، އިވެންޓްތައް ބަލާލުން، ބެލެންސް ޗެކްކޮށްލުން ފަދަ ހުރިހާ އާންމު ޚިދުމަތްތަކެއް ލިބިގެންދާނެ ކަމަށް އާބަންކޯއިން ބުނެއެވެ.
ހައުސިން ޑެވެލޮޕްމަންޓް ކޯޕަރޭޝަންގެ ނަން އަރބަންކޯއަށް ބަދަލުކޮށްފައިވަނީ ކޯޕަރޭޝަން އިތުރަށް ފުޅާކޮށް، އިތުރު ޚިދުމަތްތަކަށް ވަނުމަށެވެ. ހަމައެކަނި ހުޅުމާލެއަށް ޚިދުމަތް ދެމުން އައިސް، "ބިޔޯންޑް ހުޅުމާލޭ"ގެ ފުޅާ ވިސްނުމާއެކު މިހާރު އެ ކުންފުނީގެ ދަށުން ކުޑަގިރި އާއި ތިލަފުއްޓާއި ގުޅީފަޅުގެ މަސައްކަތާއެކު މަޑުމަޑުން މުޅި ރާއްޖެއަށް ޚިދުމަތްދޭ ކޯޕަރޭޝަނަކަށް ބަދަލުކުރުމުގެ މަސައްކަތް ވަނީ ފަށާފައެވެ.
Advertisement
This content is created and paid for by advertisers and does not involve Voice Journalists