ސާގު ހަށިގަނޑުގައި ވަރު ޖައްސާލަދޭ ބުއިމެކެވެ. ޚާއްސަކޮށް ހާރު ދަމަށް ސާގު ފަނި ތަށްޓެއް ބޯލުމުން އެދުވަހަކު މާ ބޮޑަށް ވަރުބަލިވެ، އަބަދު އޮށޯވެ އޮންނަން ޖެހޭ މައްސަލަ ހައްލުވެގެންދާނެ އެވެ.

1 ޖޯޑު ސާގު

1 ދަޅު ގެރި ކިރު

5 އިންޗި ރާނބާފަތް

1 ސައި ސަމުސާ ވެނީލާ އެސެންސް

6 ޖޯޑު ފެން

ކާކުކަ ކޮޅެއް (ބޭނުން ނަމަ)

1) ތަށްޓަކަށް ސާގު އެޅުމަށްފަހު ދެ ޖޯޑު ފެން އަޅައި، މަޑުމަޑުން އަތުން ހަލުވަމުން ސާގު ކޮޅު ދޮވެލާށެވެ. ދެން ފުރޭންޏަކަށް އަޅައި ސާގު ކޮޅު ފުރާނާލާފައި ފުރޭނީގައި ސާގު ކޮޅު ބަހައްޓާށެވެ. 

2) ދެން ތެއްޔަކަށް ބާކީ ހުރި ފެނާއި ރާނބާފަތާއި އަޅާފައި ކައްކާށެވެ. ފެން އެތި ކެކެން ފެށުމުން ސާގު ކޮޅި މަޑު މަޑުން އަޅާލާށެވެ. 

3) މެދު ގިނީގައި ބަހައްޓައިގެން ސާގުކޮޅު ކެކެންދެން ކައްކާށެވެ. ކެކުނީމައި ހުންނާނީ އެތެރެ ފެންނަ ގޮތަށެވެ. އަދި ކެކެމުން ދާއިރު ސާގުތައް އެއްވެ ތަތްވިޔަ ނުދިނުމަށްޓަކައި ގިނަގިނައިން ހަލުވަންވާނެއެވެ.

4) ސާގު ކޮޅު ކެކުމުން ގެރި ކިރު ދަޅު އަޅާލާފައި އެކުލަވާލާށެވެ. ދެން ތެލީގައިވާ ތަކެތި ބޮކިޖަހާ ކެކި ގަނެ އޮލަ ވަންދެން ކައްކާނީއެވެ. ކައްކާއިރު އިރު އިރު ކޮޅާ، ގިނަގިނައިން ހަލުވަންވާނެއެވެ. 

5) ސާގު ފަނި އޮލަ ވުމުން ވެނީލާ އެސެންސް ފޮދާއި ކާކުލަ ކޮޅު އަޅާފައި އެކުލަވާލުމަށްފަހު އުނދުން ނިއްވާލާށެވެ. ސާގު ފަނި އެހުރީ ކެކިފައެވެ.