އޭޝިއަން ފުޓްބޯލް ކޮންފެޑަރޭޝަން އިން އިޒްރާއިލް ސިފައިން ފަލަސްޠީނުގެ އަލް ޙުސެއިނީ ފުޓުބޯޅަ ސްޓޭޑިއަމް އަށް ދިން ހަމަލާ ކުށްވެރިކޮށް ފިއެވެ.
އިޒްރާއިލް ސިފައިން އިސްވެ ދޭން ފެށި މިހަަމަލާތައް އެސްޓޭޑިއަމް އަށް ދީފައިވަނީ އަބޫ އައްމާރް ކަޕްގެ ފައިނަލް މެޗް ކުޅެވެމުން ދަނިކޮށެވެ. ބަލާތާ އެފްސީ އާއި ޖަބަލް އަލް މުކައްބަރް ފައިސަލް އަލް ހުސެއިނީ އިންޓަރނޭޝަލް ސްޓޭޑިއަމްގައި މެޗު ކުޅެމުން ދަނިކޮށް އިޒްރާއިލް ސިފައިންވަނީ ކަރުނަގޭހާއި ރަބަރު އުންޑައިން ހަމަލާތައްވަނީ ދީފައެވެ.
މިހަމަލާތަކުގެ ސަބަބުން މެޗް ކުޅެން ތިބި ކުޅުން ތެރިންނާއި މެޗުބަލަން ގޮސް ތިބި ސަޕޯޓަރުންނަށް ވެސް ފަރުވާ ދޭން ޖެހުނެވެ. ކުޑަ ކުދިންނާއި އަންހެނުން ވެސް ހިމެނޭހެން ހާސްވެ ނޭވާލާން އުނދަގޫވުން ފަދަ ކަންކަން ދިމާވެގެން ދަނޑުގެ ދެފާރާތުގަޔާއި ހޮސްޕިޓަލުގައި ވަނީ އެތައް ބަޔަކަށް ފަރުވާދީފައިވެއެވެ.
އޭއެފްސީ އިން ވަނީ ފަލަސްޠީނުގެ ރައްޔިތުންނާއި ދެކޮޅަށް އިޒްރާއިލް ސިފައިން ދެމުންގެންދާ އަނިޔާވެރި ހަމަލާތައް ވަގުތުން ވަގުތައް ހުއްޓާލުމަށް ގޮވައިލައިފައެވެ. އަދި އޭއެފްސީ އޮތީ ފަލަސްޠީނުގެ ފުޓްބޯލް އެސޯސިއޭޝަނާއި ފަލަސްޠީނުގެ ފުޓްބޯޅަ ސަޕޯޓަރުންނާއި އެކުގައި ކަމަށްވެސް އޭއެފްސީ އިން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
