މިއަދު ވޮއިސްގެ ބަދިގެއިން މި ގެނެސްދެނީ މީރުކޮށް ސޫޖީ ތައްޔާރުކުރާނެ ގޮތެވެ. ކިޔުންތެރިންނަށް ކަމުދާނެ ކަމަށް އުއްމީދު ކުރަމެވެ. 

½ ޖޯޑު ސެމޮލީނާ (ސޫޖީ)

1 ޖޯޑު ކަނަމަދު (ދިގަށްވާގޮތަށް ކޮށާފައި)

½ ޖޯޑު ހިކި މޭބިސްކަދުރު

2 ސައިސަމުސާ ގިތެޔޮ 

1 ދަޅު ގެރިކިރު

5 ކާފުރުތޮޅި

2 ރާނބާފަތް

1 އިންޗީގެ ފޮނިތޮށި ކޮޅެއް

5 ޖޯޑު ފެން

2 ސައިސަމުސާ ވެނީލާ އެސެންސް

1) ތެއްޔަކަށް މޭޒުމަތީ ސަމުސަލެއްގެ ގިތެޔޮ އެޅުމަށްފަހު އެ ހޫނުވެ ވިރުމުން ކާފޫރު ތޮޅިކޮޅު އަޅައި ފިޔާކޮޅު ރަތް ވަންދެން މަޑު ގިނީގައި ކައްކާލާށެވެ. ކާފޫރު ތޮޅިކޮޅު އަޅާނީ ކޮޅުން ހުޅުވާލާފައެވެ.

2) ދެން ފިޔާކޮޅާއި ކާފޫރު ތޮޅިކޮޅު ތެލިން ނަގައި އެއްޗަކަށް އަޅާފައި ހަމަ އެ ތެއްޔަށް ހިކި މޭބިސްކަދުރު ކޮޅު އަޅާލާފައި މޭބިސްކަދުރު ކޮޅުގެ ފުފެން ފަށަންދެން ކައްކާށެވެ. 

3) އެއަށްފަހު ހިކި މޭބިސްކަދުރު ވެސް ނެގުމަށްފަހު އެ ތެއްޔަށް ½  މޭޒުމަތީ ސަމުސާ ގިތެޔޮ އެޅުމަށްފަހު ކަނަމަދުކޮޅުވެސް އަޅައި ކުލަ ބަދަލުވަންދެން ކައްކާށެވެ.

4) ދެން ކަނަމަދު ކޮޅުވެސް ނަގާފައި، އެ ތެއްޔަށް މޭޒުމަތީ ސަމުސަލެއްގެ ގިތެޔޮ އަޅާފައި އޭގެތެރެއަށް ރަވާކޮޅު އަޅައިގެން އެއަށް ރަންކުލަ އަރަންދެން ހަލުވަމުން ކައްކާށެވެ. 

5) ރަވާ ކޮޅަށް ރަން މުށި ކުލަ އެރުމުން އޭގެ ތެރެއަށް ފެނާއި، ފޮނިތޮށްޓާއި ރާނބާފަތާއި، ކުރިން ތައްޔާރުކުރި ފިޔާކޮޅާއި، ކާފޫރު ތޮޅިކޮޅާއި ހިކި މޭބިސްކަދުރުކޮޅާއި ކަނަމަދުކޮޅުވެސް އަޅާލުމަށްފަހު ރަނގަޅަށް އެކުލަވައިލާށެވެ.

6) ދެން މެދު ގިނީގައި ބަހައްޓައިގެން ތެލީގައިވާ ތަކެތި ބޮކިޖަހާ ކެކިގަންނަންދެން ކެއްކުމަށްފަހު އޭގެ ތެރެއަށް ގެރި ކިރާއި އެސެންސް ފޮދު އަޅާލާށެވެ. 

7) ހުރިހާ ތަކެތި ރަނގަޅަށް އެއްކޮށްލާފައި އިތުރު ދެ މިނެޓެއްހާއިރު ތަންކޮޅެއް މަޑު ގިނީގައި ކައްކާލާށެވެ.