ބަޓަރ ޗިކަން އަކީވެސް ވަރަށް ގިނަ ގޮތް ގޮތަށް ތައްޔާރު ކޮށް އުޅޭ ޑިޝް އެކެވެ. އެގޮތުން މީގެ ކުރިން ވެސް މި ޑިޝް ތައްޔާރު ކުރާނެ ގޮތެއް ވާނީ "ވޮއިސް" ގެ ބަދިގެއިން ގެނެސްދީފައެވެ. މިއަދު މި ގެނެސްދެނީ އެ ނޫން އެހެން ގޮތެވެ. މިއީވެސް ވަރަށް މީރު ގޮތެވެ. ކިޔުންތެރިންނަށް ކަމުދާނެ ކަމަށް އުއްމީދު ކުރަމެވެ. 

500 ގ ބޯންލެސް ކުކުޅު (ކޮށާފައި) 

3/4 މޭޒުމަތީ ސަމުސާ ލުނބޯ ހުތް

1/4 ސައި ސަމުސާ ލޮނު

1/2 ސައި ސަމުސާ މުގުރި މިރުސް

3/4 ސައިސަމުސާ ފެނު ގްރީކް ފަތް (ހިއްކާފައި މުގުރާފައި)

3/4 ސައި ސަމުސާ ގަރަމް މަސާލާ 

1 މޭޒުމަތީ ސަމުސާ ތެޔޮ

1/2 މޭޒުމަތީ ސަމުސާ ލޮނުމެދު ޕޭސްޓް

1/2 މޭޒުމަތީ ސަމުސާ އިނގުރު ޕޭސްޓް 

1/2 ޖޯޑު ޕްލެއިން ގްރީކް ޔޯގަޓް 

ރީނދޫ ކޮޅެއް 

5 މޭޒުމަތީ ސަމުސާ ބަޓަރ

1/2 ސައިސަމުސާ ލޮނުމެދު ޕޭސްޓް

1/2 ސައިސަމުސާ އިނގުރު ޕޭސްޓް 

2 އިންޗް ފޮނިތޮށި ކޮޅެއް

2 ކާފޫރު ތޮޅި

2 ތޮޅި މިރުސް (ބޭނުން ނަމަ)

4 ބޮޑު ޓޮމާޓޯ 

18 ކެޝޫ ނަޓް

1 ސައިސަމުސާ މުގުރި މިރުސް (ނުވަތަ ކުޅި ކުރަން ބޭނުންވާ ވަރަކަށް)

3/4 ސައިސަމުސާ ގަރަމް މަސާލާ 

1/2 މޭޒުމަތީ ސަމުސާ ފެނު ގްރީކް ފަތް (ހިއްކާފައި މުގުރާފައި)

1/4 މޭޒުމަތީ ސަމުސާ ހަކުރު

ލޮނު

100 މިލިލީޓަރ ހެވީ ކްރީމް

2 މޭޒުމަތީ ސަމުސާ ކޮރެއަންޑާ ފަތް (ގާނިޝް ކުރަން)

1) ފުރަތަަމަ މެރިނޭޝަން އަށް ބޭނުންވާ ތަކެތިން ކުކުޅު ކޮޅާއި އެއްކޮށްލުމަށްފަހު 20 މިނެޓް ވަންދެން މެރިނޭޓް ކޮށްލާށެވެ. 

2) ދެން ދެވަނަ މެރިނޭޝަން އަށް ބޭނުންވާ ތަކެތި އޭގެ ތެރެއަށް އަޅާލުމަށްފަހު 12 ނުވަތަ 48 ގަޑި އިރުވަންދެން ފްރިޖުގައި މެރިނޭޓް ކޮށްލާށެވެ. ގިނަ އިރު މެރިނޭޓް ކުރި ވަރަށް ބަޓަރ ޗިކަން މީރު ވާނެއެވެ. 

3) ކެޝޫ ނަޓާއި ޓޮމާޓޯ މިކްސަރުން ރަނގަޅަށް މުގުރާލައި ޕޭސްޓް ތައްޔާރުކޮށްލާށެވެ. 

4) ދެން 2 މޭޒުމަތީ ސަމުސާ ބަޓަރ ތަވައަކަށް އެޅުމަށްފަހު ބަޓަރ ވިރުމުން މެރިނޭޓް ކުރި ކުކުޅު އެއަށް އަޅައި ކުކުޅުން ނުކުންނަ ފެންފޮދު ހިނދި، ކުކުޅަށް ރަން މުށި ކުލަ އަރަންދެން ފްރައި ކޮށްލާށެވެ. 

5) އެއަށްފަހު ބަޓަރ ޗިކަން ތައްޔާރު ކުރާ ތެލި އުނދުން މައްޗަށް އުދުމަށްފަހު 3 މޭޒުމަތީ ސަމުސާ ބަޓަރ ތެއްޔަކަށް އަޅައި ވިރުވާލާށެވެ. ދެން އެއަށް ކާފޫރު ތޮޅި އާއި ކަރަންފޫ އަދި ފޮނިތޮށި އަޅައިގެން އެއް މިނެޓް ވަންދެން ހަލުވަމުން ކައްކާލާށެވެ. 

6) ދެން ލޮނުމެދު އަދި އިނގުރު ޕޭސްޓާއި ތޮޅި މިރުސް އެއަށް އަޅާލުމަށްފަހުވެސް މިނެޓެއް ވަރު ވަންދެން ހަލުވަމުން ކައްކާލާށެވެ. 

7) އެއަށްފަހު ކޭޝޫ-ޓޮމާޓޯ ޕޭސް އަޅާލުމަށްފަހު، މުގުރި މިރުހާއި، ލޮނު އަދި ހަކުރުވެސް އެއަށް އަޅާލުމަށްފަހު އޮލަ ވަންދެން މަޑު މަޑުން ހަކުވަމުން ގްރޭވީ ކައްކާލާށެވެ. 

8) ދެން އެއްޖޯޑު ފެން އަޅާލުމަށްފަހު، އެ ތަކެތިން ބޮކި އަރައި ކެކި ގަންނަންދެން ގާތްގަނޑަކަށް 5-3 މިނެޓް ކައްކާލާށެވެ. 

9) ކުކުޅު ކޮޅު އަޅާލުމަށްފަހު އެކުލަވާލައި އިތުރު 5 މިނެޓް ކައްކާލާށެވެ. 

10) ދެން ގަރަމް މަސާލާއާއި ފެނު ގްރީކް ފަތް އެޅުމަށްފަހު 2-3 މިނެޓް ވަރު ވަންދެން ހަލުވަމުން ކައްކާލުމަށްފަހު މައްޗަށް ހެވީ ކްރީމް އަޅާލާށެވެ. 

11) ފަހު ކަމަކަށް ގާނިޝް ކޮށްލުމަށް ކޮރެއަންޑާ ފަތް އަޅާލާށެވެ. ބޭނުންނަމަ އިތުރަށް ހެވީ ކްރީމް ވެސް އެޅިދާނެ އެވެ.