ހުޅުމާލޭ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓްތަކުގެ ފަންގިފިލާއެއްގައި ރޭގައި އަލިފާނުގެ ހާދިސާ ހިނގީ ނިއްވާނުލައި އެއްލާލާފައި އޮތް ސިނގިރޭޓް ފިލްޓަރެއްގެ ސަބަބުން ކަމަށް ޝައްކުކުރެވޭ ކަމަށް އާބަންކޯއިން ބުނެފި އެވެ.
މި ހާދިސާ ހިނގާފައި ވަނީ ފަސްވަނަ ޓަވަރުގެ 17 ވަނަ ފަންގިފިލާގައެވެ.މި އަލިފާންގަނޑު ފެތުރިފައި ނުވާއިރު، އާއްމުންގެ ބަޔަކު ވަނީ އަލިފާން ނިވާލާފައެވެ. އަލިފާނުގެ ހާދިސާއާއި ގުޅިގެން އެ ސަހަރައްދުގައި އެމްއެންޑީއެފްއިން ވެސް ވަނީ ހަރަކާތްތެރިވެފައެވެ.
އަލިފާނުގެ ހާދިސާގެ ސަބަބުން އެ އެޕާރޓމަންޓްގައި ދިރިއުޅޭ އެއްވެސް މީހަކަށް އަނިޔާއެއް ނުލިބޭ ކަމަށް އާބަންކޯއިން ވަނީ ބުނެފަ އެވެ
.މީގެ އިތުރުން އާބަންކޯ އިން ބުނީ، މިހާތަނަށް ލިބިފައިވާ މަޢުލޫމާތުތަކުން މި ހާދިސާ ހިނގާފައިވަނީ ބެލްކަނީގައި ހުރި ކުނިތަކެއްގެ މައްޗަށް ނިއްވާނުލާ މީހަކު އެއްލާލި ސިގިރެޓް ފިލްޓަރެއްގެ ސަބަބުން ކަމަށް ޝައްކު ކުރެވޭ ކަމަށެވެ.
އެހެންކަމުން މިފަދަ އަމަލުތައް ނުކުރުމަށާ ހެދިފައިވާ ގަވާއިދުތަކަށް ބޯލެނބުމަށް އާބަންކޯއިން ވަނީ ނަސޭހަތްތެރިވެފައެވެ.
Advertisement
This content is created and paid for by advertisers and does not involve Voice Journalists
