ރޯދަ ވީއްލުމަށް ތަފާތު އެއްޗެހި ތައްޔާރު ކުރުމަކީ އަންހެން ވެރިން އާއްމުކޮށް ވަރަށް ގިނައިން ކޮށް އުޅޭ ކަމެކެވެ. އެކަމަކު ފިރިހެން ވެރިންވެސް ބަދިގެއަށް ވަދެ މީރުކޮށް އެއްޗެއް ތައްޔާރު ކޮށްލުމަކީ ވަރަށް ސަޅި ކަމެކެވެ. އެހެންކަމުން މިއަދުގެ ރެސިޕީ އަކީ ޅިޔަނުން ޓްރައި ކޮށްލަންވެސް ރަނގަޅު ރެސިޕީއެކެވެ. 

10 ފޮތި ޕާން

500ގ ކުކުޅު (ކުދިކޮށް ކޮށާފައި)

3 ފެހި ތޮޅި މިރުސް (ތުނިކޮށް ކޮށާފައި)

2 ކެޕްސިކަމް

1 ސައިސަމުސާ ތެޅިމިރުސްް

ލޮނު

1 މޭޒުމަތީ ސަމުސާ ފްރައިޑް ޗިކަން ސޯސް 

މޮޒޮރެއްލާ ޗީޒް (ގާނާފައި)

ތެޔޮ

4 ބިސް

ފާރޮށި ކުނޑި

1) ކުޑަ ތެޔޮ ފޮދެއްގައި ލޮނު ކޮޅެއް އަޅައިގެން ކުކުޅު ކޮޅު ރަން މުށި ކުލަ އަރަންދެން ފްރައި ކޮށްލާށެވެ. 

2) އޭގެ ތެރެއަށް ކެޕްސިކަމް އާއި ތެޅި މިރުހާއި، ތޮޅި މިރުސްވެސް އަޅައިގެން 5 މިނެޓް ވަރު ކައްކާލާށެވެ. މާ ހިކިހެން ހީވާ ނަމަ ކުޑަ ފެން ފޮދެއް އަޅާލާނީއެވެ. 

3) ދެން ސޯސް އަޅާލުމަށްފަހު އެކުލަވާލާފައި އުނދުން ނިއްވާލާށެވެ. 

4) އެއަށްފަހު ޕާން ފޮތިތަކުގެ ކައިރި ވަޅިން ނެގުމަށްފަހު ކޮންމެ ޕާން ފޮށްޗެއްގައި ފެންކޮޅެއްލާފައި ރޮށި ދަމާ އެއްޗެއްގެ މަތީގައި ބާއްވާ މަޑުމަޑުން ދަމާލާށެވެ.

5) ދަމާފައިވާ ޕާން ފޮތި ތެރެއަށް ކުރިން ތައްޔާރުކުރި ކުކުޅު ކޮޅުން ސަމުސަލެއްހާ އެތިކޮޅެއް ލާ ފަތުރާލާފައި އޭގެ މައްޗަށް ޗީޒް ކޮޅެއް އަޅާފައި ޕާން ފޮތި އޮޅާލުމަށްފަހު ކައިރި ބައްދާލާށެވެ.

6) ހުރިހާ ޕާން ފޮއްޗެއް މިހެން ތައްޔާރުކޮށްލާށެވެ.

7) ދެން ވަކިން ދެތަށްޓަށް ބިސް އަދި ފާރޮށި ކުނޑި އަޅާށެވެ. އަދި ކުރިން ތައްޔާރުކުރި ރޯލްސްގެ ތެރެއިން އެކަތި ގިރާފައި ހުރި ބިސް އެޅި ތަށީގެ ތެރެއަށްލާ ރަގަނޅަށް ބިސް ހާކާލާށެވެ. 

8) އެއަށްފަހު މިރޯލްސް ނަގާ ފާރޮށި ކުޑި އެޅި ތަށި ތެރެއަށްލުމަށްފަހު މުޅި ރޯލްސްގައި ފާރޮށި ކުނޑި ހާކާލާށެވެ.

9) ހުރިހާ ރޯލްސްއެއް މިހެން ތައްޔާރުކޮށްލުމަށްފަހު ފިނިކޮށްލުމަށް 1 ގަނޑިއިރު ފްރިޖްގައި ބަހައްޓާށެވެ.

10) ރޯލްސްތައް ފިނިވުމުން ތާހެއްގައި ތެޔޮއަޅާ ހޫނުކުރާށެވެ. އަދި ރޯލްސްތައް ތެލުލާލާށެވެ. މިހުރީ ޗީޒީ ޗިކަން ބްރެޑް ރޯލްސް ތައްޔާރުވެފައެވެ.