މުސްލިމުންގެ ފުރަތަމަ ޤިބްލަ މަސްޖިދުލް އަޤްޞާ އަށް ގަދަކަމުން ވަދެ ގަނެ އެތަނުގެ ހުރުމަތް ކަނޑައި ގެއްލުންދިން މައްސަލައާއި ގުޅިގެން ގަލްފް ކޯޕަރޭޝަން ކައުންސިލުން ކުށްވެރިކޮށްފިއެވެ. 

ޖީސީސީގެ ސެކްރެޓަރީ ޖެންރަލް ޖައްސިމް މުޙައްމަދް އަލްބުދައިވީ ވަނީ ރަމަޞާން މަސް ފަދަ މަހެއްގައި މަސްޖުދުލް އަޤްޞާ އަށްވަދެ އެތަނުގެ ހުރުމަތް ކެނޑޭދަދަ ކަންކަން ކުރުމުން އިޒްރާއިލާއި މެދު ވަރަށް ބޮޑަށް ހިތްހަމަނުޖެހުން ފާޅުކޮށްފައެވެ.

އަލްބުދައިވީ ވަނީ އިޒްރާއިލް ސިފައިން ތަކުރާރުކޮށް އަޤްޞާ އަށް ވަދެ ހިންގާ މިފަދަ ކަންކަމުގެ ސަބަބުން އެމިސްކިތުގެ ހުރުމަތް ކެނޑެމުން ދާކަމަށް ބުނެފައެވެ. 

Advertisement

އަލްބުދައިވީ ބައިނަލް އަޤްވާމީ މުޖްތަމަޢަށް ގޮވާލައިފައިވަނީ އިޒްރާއިލް ސިފައިން ފަލަސްޠީނުގެ ރައްޔިތުންނާއި ދެކޮޅަށް ހިންގާ އަނިޔާވެރި ޢަމަލުތަކާއި، އިސްލާމްދީނުގެ މަތިވެރި ތަރިޚާއި ގުލިފައިވާ މުޤައްދަސް ބިމެއް ކަމުގައިވާ ފަލަސްޠީނުގެ ޖާރުއްސަލަމްގެ އަސްލުނެތިކޮށްލައި އިޒްރާއިލްގެ ތަނަކަށް އެތަން ހެދުމަށް ކުަރަމުންދާަ މަސައްކަތް ހުއްޓުވުމަށް ގޮވައިލައިފައެެވެ.

ޖީސީސީ އިން ނެރެފައިވާ ބަޔާނުގައި އިޒްރާއިލްގެ ސިފައިން ފަލަސްޠީނުގެ ރައްޔިތުންނާއި ދެކޮޅަށް ހިންގާފައިވާ އަނިޔާވެރި ޢަމަލިތަކުގެ ވާހަކަތައް ތަފްސީލީ ގޮތެއްގައި  ކިޔައިދީފައިވެއެވެ. އެގޮތުން ބޫޓުން ނާއި މުގުރުން އަނިޔާކުރުމާއި، ނަމާދަށް ތިބޭ މީހުންގައި ގައިގައި ތަޅާ، ކޮއްޕައި ހެދުމާއި، އިބްރާހިމީ މިސްކިތް ބަންދުކުރުންވެސް ހިމެނެއެވެ.

އަލްބުދައިވީ ވިދާޅުވީ އިޒްރާއިލް މިފަދަ ޢަމަލުތަކަކީ ދުނިޔޭގެ ކަންކޮޅުތަކުގައި ތިބި މުސްލިިމުންގެ ހިތްތަކުގައި އިތުރަށް ނަފްރަރު އުފެދިގެން ދާނެ ކަމަށެވެ. އަދި މިހާރު އިޒްރާއިލުން އެދަނި ބައިނަލް އަޤްވަމީ އަޤްވާމީ ޤާނޫނު ތަކާއި ވެސް ޚިލާފުވަމުން ކަމަށެވެ.

އަދި މިހާރު އިޒްރާއިލުން ފަލަސްޠީނުގެ ރައްޔިތުންނާއި ދެކޮޅަށް ހިންގަމުންގެންދާ އަނިޔާވެރި ޢަމަލުތަކަކީ އެކަމެއްގެ ސަބަބުން އިޒްރާއިލް ސިފައިން ހީނުކުރާފަދަ ނަތީޖާއެއް ނުކުމެދާމެ، އަދި އެކަމުގެ ޒިންމާ އިޒްރާއިލުމް އުފުލަން ޖެހިދާނެ ފަދަ ޢަމަލުތަކެއް ކަމަށެވެ.