މިއަދު ވޮއިސް ގެ ބަދިގެއިން މި ގެނެސްދެނީ ވަރަށް މީރުކޮށް ލަޒާނިއާ ތައްޔާރުކުރާނެ ގޮތެވެ. ކިޔުންތެރިންނަށް ކަމުދާނެ ކަމަށް އުއްމީދު ކުރަމެވެ.

1 މޭޒުމަތީ ސަމުސާ އޮލިވް އޮއިލް

1 ކިލޯ މިންސްޑް ބީފް ( ނުވަތަ މިކްސަރުން މުގުރާފައި ހުރި ބީފް)

1 ޖޯޑު ޕިއްޒާ ސޯސް

1 ދަޅު ޓޮމާޓޯ ޕޭސްޓް

1 ފިޔާ (ކުދިކޮށް ކިޔުބްކޮށް ކޮށާފަ)

2 ލޮނުމެދު ( ކުދިކޮށް ކިޔުބްކޮށް ކޮށާފައި)

1/2 ސައި ސަމުސާ މުގުރި އަސޭމިރުސް

1/2 ސައި ސަމުސާ އޮރެގާނޯ ޕައުޑަރ

ރަހަލާ ވަރަށް ލޮނު

1 ޖޯޑު ޕާމޭސަން ޗީޒް (ގާނާފައި، މައްޗަށް އެޅުމަށް)

9 ލަޒާނިއާ ޝީޓް (ލަޒާނިއާ ޝީޓް ޕެކެޓް ގައިވާ ގޮތައް ކައްކާފައި)

1/4 ޖޯޑު ޕާމޭސަން ޗީޒް (ގާނާފައި) 

2 ދަޅު ނެސްލޭ ކްރިމް 

1 ބިސް 

1 ޖޯޑު މޮޒަރެއްލާ ޗީޒް ( ގާނާފައި) 

ވައިޓް ސޯސް ހެދުމަށް މި ހުރިހާ ތަކެތި ތަށްޓެއްގެ ތެރޭގައި ރަނގަޅަށް އެކުލަވައިލާށެވެ. 

1) އޮލިވް އޮއިލް ފޮދެއްގައި، މުގުރާފައި ހުރި ބީފް ކޮޅު ރޯފިލުވާލާށެވެ.

2) ބީފްގެ ރަނގަޅަށް ރޯފިލުމުން ފިޔާ، ލޮނުމެދު، އަސޭމިރުސް، އަދި އޮރެގާނޯ މަސްގަނޑު ތެރެއަށް އަޅައިގެން 5 މިނިޓް ވަރު ވަންދެން ކައްކާލާށެވެ.

3) ދެން ޕިއްޒާ ސޯސް އަދި ޓޮމާޓޯ ޕޭސްޓު އަދި ލޮނު އެޅުމަށްފަހު ރަނގަޅަށް ކައްކާލާށެވެ. 

4) މީޓް ސޯސް ތައްޔާރު ވުމުން ބޭކިންގ ޓްރޭ އެއްގެ ތެރޭގައި ލަޒާނިއާ ޝީޓެއް ބާއްވާލާށެވެ.

5) އެއަށްފަހު އޭގެ މަތީގައި ވައިޓް ސޯސް ރަނގަޅަށް އަތުރާލާށެވެ.

6) ދެން ރަނގަޅަށް މީޓް ސޯސް އެޅުމަށްފަހު އޭގެ މަތީގައި ލަޒާނިއާ ޝީޓެއް ބާއްވާލާށެވެ. މިފަދައިން އިތުރު އިތުރު ލެޔާރ ތަކެއް ހަދާލާށެވެ. އެންމެ މަތީ ލެޔާރ ގައި ހުންނަން ވާނީ މީޓް ސޯސް އެވެ. 

7) ފަހު ކަމަކަށް މީޓް ސޯސް މައްޗަށް ގާނާފައި ހުރި ޗީޒު އަޅާލުމަށްފަހު އަވަނަށް ލައިގެން ފިހެލާށެވެ.