އެހެން އަހަރުތަކެކޭ އެއްގޮތަށް މިއަހަރުވެސް މޫސުން ތަންދޭނަމަ މާލޭގައި ފިޠުރު ޢީދު ނަމާދު ބޮޑު ޖަމާޢަތުގައި ކުރާނެ ކަމަށް އިސްލާމިކު މިނިސްޓްރީން ބުނެފިއެވެ.
އެގޮތުން މާލެ ސަރަހައްދުގައި ބޮޑު ޖަމާޢަތުގައި ޢީދު ނަމާދުކުރަން ހަމަޖެހިފައިވަނީ އަންނަނިވި ތަންތަނުގައެވެ.
• މާފަންނު ސްޓޭޑިއަމްގައި
• އިސްލާމީ މަރުކަޒާއި މައިދާން ސަރަޙައްދު
• މަސްޖިލް މަލިކި ސަލްމާން މިސްކިތާއި މާބްލް ސަރަޙައްދު
• ހުޅުމާލެ ފޭސް 1 ހުޅުމާލެ ސިންތެޓިކް ޓްރެކް
• ހުޅުމާލެ ފޭސް 2 ކްރިކެޓް ސްޓޭޑިއަމް (H16 އާ ދިމާލަށް އޮންނަ ސަރަޙައްދު)
• ވިލިމާލެ، ފުޓްބޯޅަ ދަނޑު
ބޮޑު ޖަމާޢަތުގައި ޢީދު ނަމާދުކުރުމަށް ނިންމިނަމަވެސް މޫސުން ތަންނުދޭނަމަ ހުކުރުކުރާ ހުރިހާ މިސްކިތެއްގައިވެސް ޢީދު ނަމާދުކުރާނެ ކަމަށް އިސްލާމިކް މިނިސްޓްރީން ބުނެއެވެ.
މީހެ އިތުރުން ޢީދުނަމާދަށް އަންނައިރު ގެއިން ވުޟޫކޮށްގެން އައުމަށާ، އަމިއްލަ މުޞައްލައަކާއި އަމިއްލަ ފެންފުޅިއެއް ގެނައުމަށް މިނިސްޓްރީން ވަނީ އެދިފައެވެ. އަދި ފައިވާން ލާނެ ޕްލާސްޓިކް ނޫން ކޮތަޅެއް ގެނައުމަށްވެސް އިލްތިމާސް ކޮށްފައިވެއެވެ.
Advertisement
This content is created and paid for by advertisers and does not involve Voice Journalists
