އިޒްރާއިލުން ފަލަސްޠީނުގެ ޖާރުއްސަލަމްގެ އިރުގައި ފަލަސްޠީނުގެ 7 މީހެއްގެ ގަޔަށް ބަޑިޖަހައި ޒަހަމްކޮށްލައިފިއެވެ.

ފަލަސްޠީނުގެ ހެލްތް މިނިސްޓްރީ އިން ބުނީ މި 7 މީހުންގެ ގަޔަށް ބަޑިޖަހައި ޒަހަމްކޮށްލައިފައިވަނީ ފަލަސްޠީނުގެ ދެކުނު އައްސޭރިގައި އުޒްރާއިލް ސިފައިން ހިންގި މިލިޓަރީ ރެއިޑެއްގައި ކަމަށެވެ. އަދި އިޒްރާއިލުން މި މިލިޓަރީ ރެއިޑް ހިންގާފައިވަނީ އިޒްރާއިލްގެ ދެމީހަކު ބަޑީގެ ހަމަލާއެއްގައި ޒަހަމްވިތާ ދެގަޑިއިރެއްހާއިރު ފަހުން ކަމަށެވެ.

ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ ބަޑީގެ ހަމަލާ އާއި ގުޅިގެން 6 މީހަކު ކުދި ޒަހަމްތަކާއި އެކު ޖެނީންގެ ގަވަރަމެންޓަލް ހޮސްޕިޓަލުގައި ފަރުވާހޯދައިފައިވާ ކަމަށެވެ. އަދި އަނެއް މީހާ ހަމަލާ ދެވުނު ސަރައްހައްދާއި ކައިރީ ހޮސްޕިޓަލެއްގައި އެޑްމިޓް ކުރެވިފައިވާ ކަމަށެވެ.

އިޒްރާއިލް މިލިޓަރީގެ ބަޔާނެއްގައި ބުނެފައިވަނީ އިއްޔެ ހިންގުނު މިލިޓަރީ ރެއިޑަކީ ކުރިން ޚަބަރު ކުރެވި ހިންގި ރެއިޑެއްކަމަށެވެ. އަދި މި ރެއިޑަކީ އިޒްރާއިލްގެ ދެމީހުންނަށް، ޝެއިހް ޖައްރާގައި ބަޑިން ހަމަލާދިން މީހާ، ޖެނީންގެ ރެފިޔުޖީ ކޭމްޕްގެ ތެރޭގައި ވާކަން އެނގި އޭނާ ހޯދުމަށް ހިންގުނު ރެއިޑެއްކަމަށެވެ.

އިޒްރާއިލްގެ އޮފިސަރުން އެސަރަހައްދަށް ވަނުމުގެ ކުރިން އެސަރަހައްދު ބަންދު ކުރި މަންޒަރު އޭއެފްޕީގެ ނޫސްވެރިންނަށް ފެނިފައިވާ ކަމަށް އެ ނޫހުގައި ބުނެފައިވެއެވެ. އަދި އެސަރަހައްދަށް ވަތްއިރު ޑްރޯން އާއި ހެލިކޮޕްޓަރ އަދި އަދި ޕޮލިސް ފޯހުގައި ބޭނުން ކުރާ ކުއްތާވެސް ވައްދައިފައިވެއެވެ.

އިޒްރާއިލް ސިފައިންފެ އޮފިސަރަކު ބުނެފައިވަނީ އެސަރަހައްދަށް ވަދެވެން އޮތް މަގު ބަންދު ކުރުމުގެ ބޭނުމަކީ ހަތިޔާރާއި އެކު ވަދެ ތިބި އިޒްރާއިލްގެ ފޯސް އެސަރަހައްދުގައ ތިބި އިރު އެސަރަހައްދަށް ވެހކަލްތައް ވަނުން ހުއްޓުވުން ކަމަށެވެ. އިޒްރާއިލް ސިފައިން ބުނެފައިވަނީ އިޒްރާއިލްގެ ދެމީހުންނަށް ބަޑިން ހަމަލާދިން މީހާ ގެންގުޅުނު ބަޑި ފެނިފައިވާކަމަށެވެ. އަދި އެބަޑިއަކީ ފަލަސްޠީނުގައި އުފައްދާ ބަޑިއެއްކަމަށް އިޒްރާއިލް ސިފައިން ވަނީ ބުނެފައެވެ.