ފުރަމޭގެ ފަރުވާއަށް ބޭނުންކުރާ ބޭހުގެ ނަކަލެއް ޔުނައިޓެޑް އެރެބް އެމިރޭޓްސްއިންނާއި، ކިރްގިސްތާންއިން ފެނިފައިވާކަމަށް ޑަބްލިޔުއެޗްއޯއިން އެލާރޓް ނެރެފައިވާތީ، އެކަމަށް ސަމާލު ވުމަށް މޯލްޑިވްސް ފުޑް އެންޑް ޑްރަގް އޮތޯރިޓީން އިލްތިމާސް ކޮށްފިއެވެ.
އެ އޮތޯރިޓީން ނެރުނު އެލާރޓްގައި ވަނީ، މި ބޭހަކީ ރާއްޖެއަށް އިމްޕޯޓް ކުރުމާއި ވިއްކުމަށް ހުއްދަ ކުރާ ބޭހުގެ ތެރޭގައި ހިމެނޭ ބޭހެއް ނޫން ކަމަށެވެ. ނަމަވެސް ރާއްޖޭއިން ބޭރުން ބޭސްފަރުވާ ކުރާ ފަރާތްތަކުންނާއި ނުވަތަ އަމިއްލަ ގޮތުން ބޭސް ސިޓީއަށް ބޭސް އެތެރެކޮށް ބޭނުން ކުރާ މީހުން، މި ފޯލްސިފައިޑް ބޭހުގެ ބެޗްތަކަށް ސަމާލުވުމަށް އެ އޮތޯރިޓީން ވަނީ އިލްތިމާސް ކޮށްފައެވެ.
"ރަައްކާތެރި ފިޔަވަޅެއްގެ ގޮތުން ބޭސްސިޓީއެއް ރާއްޖެއަށް އިމްޕޯޓް ކުރާ ބޭސް ހާއްސަ ސަމާލުކަމެއް ދީގެން ޕޯޓްތަކުގައި ބަލައިފާސް ކުރަމުން ގެންދާނެ" ފުޑް އެންޑް ޑްރަގް އޮތޯރިޓީގެ އިއުލާނުގައިވެއެވެ.
އިތުރު މައުލޫމާތު ބޭނުން ނަމަ، އެ އޮތޯރީގެ މެޑިސިން އެންޑް ތެރަޕިއުޓިކް ގުޑްސް ޑިވިޝަންގެ ހޮޓްލައިން ނަންބަރު 7200321 އަށް ގުޅުމަށް ފުޑް އެންޑް ޑްރަގް އޮތޯރިޓީން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
