ކުރިއަށް އޮތީ ރޯދަ ޢީދު ކަމުން މިއަދު މި ގެނެސްދެނީ ޢީދު ދުވަހުގެ މެންދުރު ސުފުރާ މަތި ފަޅު ފިލުވާލުމަށް ތައްޔާރު ކޮށްލެވޭނެ މީރު ފޮނި ބާވަތެކެވެ. ކިޔުންތެރިންނަށް ކަމުދާނެ ކަމަށް އުއްމީދު ކުރަމެވެ.

2 ޖޯޑު ދިވެހި އަނބު (ކުދިކޮށް ކޮށާފައި، ކްރީމް ތައްޔާރުކުރަން) 

1 ޖޯޑު އަނބު (ކޮށާފައި, ލޭޔަރ ތައްޔާރުކުރަން) 

1/2 ދަޅު ގެރި ކިރު

1 1/2 ޖޯޑު ވިޕިންގ ކްރީން

15 މާރީ ބިސްކޯދު 

ކަނަމަދު ނުވަތަ ބޭނުން ވައްތަރެއްގެ ނަޓްސް (ގާނިޝް ކުރުމަށް)  

1) އަނބާއި ގެރިކިރު މިކްސަރުން ރަނގަޅަށް މުގުރާލާށެވެ. އެއްކޮށް މުގުރާލެވުމުން ރަހަ ބަލާލާށެވެ. މި މިކްސްޗަރ ހުންނަންވާނީ ކުޑަކޮށް ފޮނި ގަދަ ކޮށެވެ. ފޮނި މަޑު ނަމަ ނުވަތަ ހެޔޮ ވަރު ވަރަށް ހުރި ނަމަ، އިތުރު ގެރިކިރު ކޮޅެއް އަޅާލައި ރަނގަޅަށް އެކުލަވާލާށެވެ. 

2) ފިނި ކޮށްފައި ހުރި ވިޕިން ކްރީމް ހޭންޑް މިކްސަރަކުން ނުވަތަ އާދައި މިކްސަރަކުން ރަނގަޅަށް ވިޕް ކޮށްލާށެވެ. 

3) ވިޕް ވުމުން، ތަށްޓަކަށް އަޅާލުމަށްފަހު، އަނބު މިކްސްޗަރ އާއި ވިޕިން ކްރީމް ސަމުސަލަކުން ނުވަތަ ކޭކު ގިރާ އެއްޗަކުން މަޑު މަޑުން އެކުލަވާލާށެވެ. 

4) ދެން ލޭޔަރސް ގޮތަށް ޓްރޭއެއްގައި ތަކެތި އަތުރާލާނީއެވެ. އެންމެ ފުރަތަަމަ އިންނަންވާނީ އަނބު ކްރީމް މިކްސްޗަރ ލޭޔަރ އެކެވެ. އޭގެ މަތީގައި ބިސްކޯދު އަތުރާލާށެވެ. އެއަށްފަހު ބިސްކޯދު މައްޗަށް ކޮށާފައިވާ އަނބު ކޮޅެއް ވެސް އަޅާލާށެވެ. މިފަދައިން ދެން ހުރި ލެޔާރސް ތައް ހަދާލާށެވެ. އެންމެ މައްޗަށް އަޅަންވާނީ އަނބު ކްރީމް މިކްސްޗަރ އެވެ. 

5) ފަހު ކަމަކަށް ގާނިޝް ކޮށްލުމަށް ނަޓް ކޮޅެއް އަޅާލާށެވެ. ނަޓްގެ ބަދަލުގައި އަނބުންވެސް ގާނިޝް ކުރެވިދާނެ އެވެ.