ފައިސާގެ އިނާމް ލިބޭ "ސްޓެލްކޯ ޢީދު މަލާފަތް ޕްރޮމޯޝަން" ގައި ބައިވެރިވުމުގެ ފުރުސަތު އާއްމުންނަށް ހުޅުވާލައިފިއެވެ.
ސްޓެލްކޯ އިން ބުނީ އީދު ދުވަހުގެ ސުފްރާމަތީގެ ފޮޓޯ ފޭސްބުކްގައި ހިއްސާ ކޮށްގެން މި ޕްރޮމޯޝަން ގައި ބައިވެރިވެވޭނެ ކަމަށެވެ. އަދި އެގޮތުން ހިއްސާ ކުރާ ފޮޓޯގެ ޕްރައިވެސީ ސެޓިންގ ހުންނަންވާނީ "ޕަބްލިކް" ގައި ކަމަށްވެސް ސްޓެލްކޯއިން ބުނެއެވެ.
އަދި އެ ހިއްސާ ކުރާ ފޮޓޯ އާއި އެކު #stelcoeidmalaafaiy ހޭޝްޓެގް ބޭނުން ކުރަންޖެހެއެވެ.
އަދި ފޮޓޯ ޕޯސްޓް ކުރެވޭނީ 1444ހ އަހަރުގެ ފިޠުރު ޢީދު ދުވަހުގެ ރޭގަނޑު 11:59 އާ ހަމައަށް ކަމަށްވެސް ސްޓެލްކޯ އިން ބުނެއެވެ.
ސްޓެލްކޯ އިން އިތުރަށް ބުނީ މި ޕްރޮމޯޝަން ގެ ދަށުން ވަނަތައް ދޭއިރު ބަލާނީ އެންމެ ގިނަ ލައިކް އަދި ޝެއަރއަށް ކަމަށެވެ.
އެގޮތުން 1 ވަނައަށް ހޮވޭ ފަރާތަށް 5000 ރުފިޔާ ، 2 ވަނައަށް 3000 ރުފިޔާ ، އަދި 3 ވަނައަށް 2000 ރުފިޔާ ލިބޭނެ ކަމަށް ސްޓެލްކޯ އިން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
