131 ވަނަ ސިފައިންގެ ދުވަހުގެ މުނާސަބަތުގައި މިރޭ މާލޭގައި ހަވާ އަރުވަން އެމްއެންޑީއެފްއިން ނިންމައިފިއެވެ. 

އެމްއެންޑީއެފް އިން ބުނީ ސިފައިންގެ ދުވަހުގެ މުނާސަބާގައި މިއަދުގެ ހަވީރު 16:00 އިން ފެށިގެން މާލޭގެ ބޮޑެތި މަގުތަކުގައި ޝަރަފްގެ ހިނގާލުން އޮންނާނެކަމަށެވެ. 

އަދި މީގެ އިތުރުން މިރޭގެ 20:00 އިން ފެށިގެން ޖުމްހޫރީ މައިދާނުގައި ޢާންމުންނަށް ހުޅުވާލައިގެންވާ ބާއްވާ ޑިސްޕްލޭގައި އެމްއެންޑީއެފްގެ މިލިޓަރީ ބޭންޑްގެ ހުށަހެޅުންތަކާއެކު ހަވާއެރުވުމަށްވެސް ހަމަޖެހިފައިވާާ ކަމަށް އެ އިދާރާއިން މައުލޫމާތު ދެއެވެ. ހަވާ އެރުވުން އޮންނާނީ އެރޭގެ 20:20 ހާއިރު ކަމަށް އެމްއެންޑީއެފްއިން ވަނީ ފާހަގަކޮށްފައެވެ.

Advertisement

މިޙަރަކާތްތަކުގެ އިތުރުން ސިފައިންނާއި ސިފައިންގެ ޢާއިލާތައް އަދި ޢާންމުންނަށް ބައިވެރިވޭގޮތަށް ތަފާތު ހަރަކާތްތައް ކުރިއަށް އޮތްދުވަސްތަކުގައި ބޭއްވުމަށްވެސް އެމްއެންޑީއެފްއިން ވަނީ ރާވާފައެވެ.