ދިވެހިރާއްޖޭގެ ޚާއްސަ އިޤްތިޞާދީ ސަރަހައްދުން ބައެއް ގެއްލޭގޮތަށް ސަރުކާރުން މޮރިޝަސްއާއެކު ހަދާފައިވާ "ޑީލު" ތަހުގީގުކޮށް، މޮރިޝަސްގެ ބޮޑުވަޒީރަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ފޮނުއްވި ސިޓީ ހާމަކުރުމަށް ގޮވާލާ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފު ހުށައެޅުއްވި ކުއްލި މައްސަލަ ބަލައިގަނެ ބަހުސް ފަށައިފި އެވެ.
އާދަމް ޝަރީފު ހުށައެޅުއްވި އެ ކުއްލި މައްސަލައިގައި ބުނެފައިވަނީ ރާއްޖޭގެ ބިމުން ވެލިފުކެއްގެ މިންވަރު ވިޔަސް ރާއްޖޭގެ ކަނޑުގެ ސަރަހައްދުން ކޮޑި އިންޗިއެއްގެ މިންވަރު ވިޔަސް އެއްވެސް ބަޔަކަށް ދިނުމަކީ ނުވަތަ ވިއްކުމަކީ ދިވެހިން ނިޔާޔަތަށް ދެކޮޅު ހަދާ ކަމެއް ކަމަށެވެ.
ކަން އެހެން އޮތްއިރު ފޯޅަވަހި ހިމެނޭ ގޮތުން ރާއްޖޭގެ ދެކުނުގައި އޮންނަ ޗާގޯސް އައިލެންޑްސް އަކީ މޮރިޝަސްގެ ސިޔާދަތީ ބާރު ހިނގާ ސަރަހައްދެއްގެ ގޮތުގައި ހަމަޖެއްސުމަށް، އެގައުމުން އިންޓަނޭޝަނަލް ޓްރައިބިއުނަލް ފޯ ލޯ އޮފް ދަ ސީސް އަށް ހުށަހަޅާފައިވާ މައްސަލައިގައި ރާއްޖެއިން ކުރިން ގެންގުޅުނު ސިޔާސަތާއި ސްޓޭންޑު ކުއްލިއަކަށް ބަދަލުކޮށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު މޮރިޝަސްގެ ބޮޑުވަޒީރަށް ސިއްރު ސިޓީފުޅެއް ފޮނުވި މައްސަލައަކީ ރައްޔިތުންގެ މެދުގައި އިންތިހާއަށް ކަންބޮޑުވުން އޮތް މައްސަލައެއް ކަމަށް އާދަމް ޝަރީފު ވިދާޅުވި އެވެ.
"ޗާގޯސްގެ މައްސަލައަކީ ރާއްޖޭގެ ސިޔާސީ، ހާރިޖީ، އިގްތިސާދީ އަދި ސިޔާދަތީ ބާރުތަކާއި ރާއްޖޭގެ އެންމެ މަސްލަހަތު ތަކާއި ނުހަނު ގުޅުންހުރި މައްސަލައަކަށް ވާއިރު، އެމްޑީޕީ ލީޑްކުރާ ކޯލިޝަން ސަރުކާރު އައުމުގެ ކުރިން ރާއްޖެއިން ވަކާލާތު ކޮށްފައިވާ މޮރިޝަސްއާ ދެކޮޅަށް ޗާގޮސްގެ މައްޗަށް ބާރުހިނގާ ގައުމެއްގެ ގޮތުގައި އިނގިރޭސިވިލާތް އޮތުމަށް ކަމަށް ވެފައި އެގޮތަށް އަތުމުން އެ ސަރަހައްދުން ރާއްޖެ ހިމެނޭ ބައި ހޯދުމަށް މޮރިޝަސްއަށް ވަކާލާތު ކުރުމުގެ ފުރުސަތު ހަނި"
މަޑުއްވަރީ ދާއިރާގެ މެމްބަރު އާދަމް ޝަރީފު އުމަރު
އާދަމް ޝަރީފުގެ އެ މައްސަލައިގައި ވަނީ ރާއްޖޭގެ ސަރަހައްދަށް އެއްވެސް ބަދަލެއް ގެނެވޭނީ މަޖިލީހުގެ މެންބަރުންގެ ތިންބައިކުޅަ ދެބައި މެންބަރުންގެ އަގްލަބިއްޔަތުން ފާސްކުރާ ގާނޫނަކުން ކަނޑައެޅިގެން ބަޔާންކޮށްފައިވާއިރު އްޔިތުންނާއި މަޖިލީހަށްވެސް އެއްވެސް ކަމެއް ހާމަކުރުމެއް ނެތި ކުރިން ރާއްޖެއިން ގެންގުޅުނު ސިޔާސަތާއި ސްޓޭންޑު ކުއްލިއަކަށް ބަދަލުކޮށް، މޮރިޝަސްއަކީ ޗާގޯސްގެ ސިޔާދަތީ ބާރު ހިނގާ ގައުމެއްގެ ގޮތުގައި ސަރުކާރުން ނިންމައި، އެކަން ރައީސް އިބްރާހީމް މުހައްމަދު ސޯލިހު މޮރިޝަސްއަށް ފޮނުއްވި ސިޓީއަކުން އެންގެވުމަކީ އިއާދަ ނުކުރެވޭނެ ވަރުގެ ބޮޑެތި ގެއްލުން ރާއްޖެއަށް ލިބޭނެ ކަމެއް ކަމަށެވެ.
އެހެންކަމުން ރާއްޖޭގެ ކަނޑުން ބައެއް ދޫކޮށްލުމަށް މޮރިޝަސްގެ ބޮޑުވަޒީރަށް ފޮނުވި ސިޓީ ހާމަކޮށް، އެ މައްސަލައިގައި ޑީލު ހެދިކަމަށް ކުރެވޭ ތުހުމަތުތައްވެސް ތަހުގީގުކޮށް ބެލުމަށް އެ މައްސަލައިގައި ވަނީ ގޮވާލައްވާފަ އެވެ.
މަޖިލީހުގައި ތިއްބެވި މެމްބަރުންގެ އަގުލަބިއްޔަތުން އެ މައްސަލަ ބަލައިގަނެ ބަހުސް ކުރަން ފައްޓަވާފައިވާއިރު، މިހާތަނަށް ވާހަކަދެއްކެވި ގިނަ މެމްބަރުން ވަނީ ސަރުކާރުން މޮރިޝަސްއަށް ފޮނުވި ސިޓީ ބާތިލުކުރަން ޖެހޭކަމަށް ވިދާޅުވެފަ އެވެ. އަދި ސަރުކާރުގެ ސްޓޭންޑް ބަދަލުކުރުމުގައި ޝާމިލުވާ ހުރިހާ މީހުން ޒިންމާކުރުވުމަށް ވެސް މެމްބަރުން ވަނީ ބާރު އަޅުއްވާފަ އެވެ.
Advertisement
This content is created and paid for by advertisers and does not involve Voice Journalists
