އިޒްރާއިލް ސިފައިން ފަލަސްޠީނުގެ 16 އަހަރުގެ ކުއްޖަކު ޝަހީދު ކޮށްލައިފިއެވެ.
ފަލަސްޠީނުގެ ހެލްތް މިނިސްޓްރީ އިން ބުނީ، އިޒްރާއިލް ސިފައިން ބެތަލްހަމް އަވަށް ކައިރީގައި އެ ޒުވާނާގެ މެޔަށް އަމާޒުކޮށް ބަޑި ޖަހައި މަރައިލައިފައިވާ ކަމަށެވެ.
ފަލަސްޠީނުގެ މީޑިއާ އިން ބުނެފައިވަނީ ބަޑި ޖެހުމުގެ މި ހާދިސާ އަކީ އިޒްރާއިލް ސިފައިންނާއި ފަލަސްޠީނުގެ ޒުވާނުންގެ ގްރޫޕަކާއި ދެމެދު ބެތަލްހަމަ ކައިރީގައި ހިންގި ހަމަލާބަދަލު ކުރުން ތަކެއްގެ ތެރޭގައި ހިނގި ބަޑި ޖެހުން ތަކެއް ކަމަށެވެ.
މަންޒަރު ދުށް ފަލަސްޠީނުގެ މީހަކު ރޮއިޓާސް އަށް ބުނި ކަމަށް އަލްޖަޒީރާގައި ބުނެފައިވަނީ ފަލަސްޠީނުގެ ޒުވާނުން އެމީހުންގެ ދިފާޢުގައި ބޭނުން ކޮށްފައިވަނީ އޮއް ގައު ކަމަށެވެ. އަދި އިޒްރާއިލް ސިފައިން އެޒުވާނުންނަަށް ކަރުނަ ގޭހާއި ބަޑިން ހަމަލާދީފައި ވާކަމަށެވެ.
ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ މެޔަށް ބަޑި ޖެހުމުގެ ސަބަބުން ޝަހީދު ވެފައިވަނީ މުޞްޠަފާ ޞަބާޙު ނަމަކަށް ކިޔާ ޒުވާނެއް ކަމަށެވެ.
އިޒްރާއިލް ސިފައިން ބުނެފައިވަނީ ފަލަސްޠީނުގެ ޒުވާނުންގެ ގްރޫޕަކުން އިޒްރާއިލް ސިފައިންގެ ގްރޫޕެއްގެ ތެރެއަށް އޮއްގަލުން ހަމަލާ ދީފައި ވާކަމަށެވެ. އަދި ބަޑި ޖެހީ އޮއްގަލުން ދިން ހަމަލާތަކުން ދިފާޢު ވުމަށް ކަމަށެވެ.
އަދި ކަން ހިނގައި ދިޔަ ގޮތް ތަހުޤީޤު ކޮށް ބަލަމުން ދާ ކަަމަށެވެ. މިހާދިސާ ހިނގާފައި ވަނީ މިދިޔަ ބުރާސްފަތި ދުވަހުއެވެ. އަދި ހަމަ އެދުވަހު ހިނގި އެހެން ހާދިސާ އެއްގައި އިޒްރާއިލް ސިފައިން ވަނީ ފަލަސްޠީނުގެ މީހަކު ޝަހީދުކޮށްލައިފައެެވެ.
Advertisement
This content is created and paid for by advertisers and does not involve Voice Journalists
