އަވަށްޓެރި އިންޑިޔާގެ ލުދިއާނާ ސިޓީ ގައި ގޭސް ލީކުވުމުގެ ހާދިސާއެއްގައި 11 މީހަކު މަރުވެއްޖެއެވެ.

ގޭސް ލީކުވުމުގެ ސަބަބުން 11 މީހަކު މަރިވުމުގެ އިތުރުން 11 މީހަކު ދަނީ ގޭހުގެ އަސަރުކޮށްގެން 11 މީހަކުވަނީ ހޮސްޕިޓަލުގައި އެނދުމަތިކޮށް ފަރުވާވެސް ދީފައިވެއެވެ. ލުދިއާނާ ސިޓީގެ އިސް އޮފިޝަލަކު ބުނެފައިވަނީ ގޭސް ލީކުވެ  ގޭހުގެ އަސަރު ކުރި ސަރަހައްދުން މީހުން ހުސްކޮސްފައި ވާކަމަށެވެ.
އަދި ލީކުވި ގޭހުގެ ސަބަބުން މީހުންނަށް އެހާބޮޑަށް އަސަރުކުރީ އެ ގޭހާއި މީތަން ކިޔާ ގޭހެއް އެއްވެފައި ހުރުމުގެ ސަބަބުން ކަމަށް ލަފާ ކުރެވޭ ކަމަށެވެ. އަދި މިހާދިސާ ހިނގަން މެދުވެރިވި ސަބަބެއް ދެނެގަތުމަށް ބަލަން ޖެހޭ ކަންކަން ބަލަމުން ދާކަމަށެވެ.

އިންޑިޔާގެ ކާރިސާތަކާއި ގުޅޭ ޤައުމީ އިދާރާގެ އިސް ބައެެއެ ބޭފުޅުން ހާދިސާ ހިނގި ސަރަހައްދުގައި ހަރަކާތްތެރި ވެފައި ވެއެވެ. އަދި ފުލުހުންވެސް ރައްކާތެރި ކަމުގެ ފިޔަވަޅު ތަކާއި އެކު އެސަރައްދުގައި ހަރަކާތް ތެރި ވެފައި ވާކަމަަށް އަލްޖަޒިރާގައި ބުނެފައިވެއެވެ. އަދި އެސަރަހައްދަށް އާންމުން ގާތްވިޔަދީ އެސަރަހައްދުގެ ފޯރި މަރަމުންއެބަދެއެވެ.

ޕަންޖާބުގެ ޗީފް މިނިސްޓަރ ބަގްވަތް މަން ވަނީ ހާދިސާ ހިނގައި ދިޔުމުން އެކަމާއި ހިތާމަ ކުަރާ ކަން ހާމަކޮށްފައެވެ. އަދި ފުލުހުންނާއި ކާރިސާތަކާއި ގުޅޭ އިދާރާގެ އޮފިސަރުން އެސަރަހައްދުގައި ހަރަކާތް ތެރި ވަމުން ދާ ކަމަށާއި ބޭނުންވި ކޮންމެ އެހީތެރިކަމެއް ފޯރު ކޮށްދެވެމުން ދާނެ ކަމަށް ބަގްވަތް މަން ބުނެފައި ވެއެވެ.

ލުދިއާނާގެ ޑެޕިޔުޓީ ކޮމިޝަނަރ ސުރާބީ މަލިކް ބުނެފައިވަނީ ބެލެވެނީ ލީކްވި ގޭހާއި ވިހަ ގޭހެއް އެކުވީ ކަމުގައި ކަމަށާއި މީހުން މަރުވާ މެދުވެރިވީ އެކަމުގެ ސަބަބުން ކަމަށް ބެލެވޭ ކަމަށެވެ. އަދި ގޭސް ވިހަވީ ސަބަބެއް ދެނެގަތުމަށް ސުންކު ތައް ނެގިފައިވާ ކަމަށާއި އަދިވެސް އިތުރު ހެކި ތަކާއި ސުންކު އެއްކުރަމުން ދާ  ކަމަށެވެ.

1984 ގައި އިންޑިޔާގެ ބޯޕާލް ގައި ހިނގި ގޭސް ލީކުވުމުގެ ހާދިސާއެއްގައި 3500 މީހުން މަރުވެފައި ވެއެވެ. އަދި 2020 ގައި އަންދްރަ ޕްރަދޭޝް ގައި ހިނގި މިފަދަ ހާދިސާއެއްގައި ވެސް 11 މީހަކު މަރުވެ 800 އެއްހާ މީހުން ހޮސްޕިޓަލުތަކުގައި އެނދުމަތިކޮށް ފަރުވާދީފައި ވެއެވެ.