ސޫދާންގެ ޚަރްޠޫމްގައި ތިބި ފަލަސްޠީނުގެ ކިޔަވާކުދިންގެ އެއްބަޔަކު އެނބުރި ފަލަސްޠީނުގެ ޣައްޒާ އަށް ހިނގައްޖެއެވެ.
ސޫދާންގައި މިހާރު ކުރެވެމުންދާ ދާޚިލީ ހަނގުރާމަ އާއި ގުޅިގެން އެގައުމުގައި ތިބި ބޭރު ގައުމު ތަކުގެ މީހުން ދަނީ އެ ގައުމުން ބޭރުވަމުންނެވެ.
ޣައްޒާގެ ކްރޮސިންގ އަދި ބޯޑަރ އޮތޯރިޓީ އިން ބުނެފައިވަނީ ޚަރްޠޫމްގައި ތިބި 172 ފަލަސްޠީނު ދަރިވަރަކު އަނބުރާ ފަލަސްޠީނަށް އައިސް ފައިވާކަމަށެވެ. އަދި މިއީ ޚަރްޠޫމްގައި ތިބި ކިޔަވާކުދިންގެ ފުރަތަމަ ބެޗް ކަމަށްވެސް ޣައްޒާ ބޯޑާރ އޮތޯރިޓީ އިން ބުނެފައިވެއެވެ.
ސޫދާންގެ ޚަރްޠޫމްގައި ތިބި މަތީ ތަޢުލީމް އުނގެނޭ ފަލަސްޠީނުގެ ދަރިވަރުން އަނބުރައި ގައުމަށް އައުމުން އެ ދަރިވަރުންގެ އައިލާތަކުން ވަނީ އެ މީހުންނަށް ހޫނު މަރުހަބާ އެއް ކިޔައިފައެވެ. ސަލާމަތުން އެ މީހުން ގައުމާއި ހިސާބަށް އާދެވުނީތީ އުފާފާޅުކޮށްފައި ވެއެވެ.
ޚަރްޠޫމްގެ ޔުނިވަރސިޓީ އެއްގައި ކިޔަވާ ނައްސިރް ޣިޝްތާ ބުނީ ސޫދާންގައި ހިނގަމުންދާ ދާޚިލީ ހަމަނުޖެހުމުގެ އަސަރު ނުކުރާ ތަނެއް ނެތް ކަަމަށެވެ. އަދި ދިރިއުޅުމަށް ދަތި ވާވަރަށް އެތަނުގެ އަމަން ގެއްލިފައިވާ ކަމަށް އޭނާ ވަނީ ބުނެފައެވެ.
ސޫދާން ގައި ހުންނަ ފަލަސްޠީނުގެ އެމްބަސީ އިން ސޫދާން ގައި ކިޔަވަން ތިބި ހުރިހާ ދަރިވަރުންނަށް ފޯނުން ގުޅައި ހުރިހާ ދަރިވަރުން އެއް ތަނަކަށް އެއްކޮށްފައި ވާ ކަމަށާއި ދަރިވަރުން އަނބުރައި ގައުމަށް ފޮނުވީ އެމްބަސީ އިން ކަމަަށް ނައްސިރް ބުނެފައިވެއެވެ. އަދި އޭނަ ހުރީ ސޫދާންގެ އެތެރޭގެ ހަމަނުޖެހުންތައް މައިތިރިވެ އަނބުރާ ކިޔަވަން ދެވޭނެ ދުވަހެއްގެ އިންތިޒާރުގައި ކަމަށްވެސް އޭނާ ވަނީ ބުނެފައެވެ.ގައުމު ތަކުގެ ސަރުކާރު ތަކުން މަސައްކަތް ކުރަމުންދަނީ ވީ އެންމެ އަވަހަކަށް ސޫދާން ގައި ތިބި އެގައުމެއްގެ މީހުން ބޭލުމަށް އަވަސް ކުރަމުންނެވެ. ސޫދާން ގެ އެތެރޭގައި ހިނގާ ހަމަނުޖެހުން ތަކަށް މިހާރު މިވަނީ ތިން ހަފްތާވެފައެވެ.
މި ހަމަނުޖެހުން ތަކަކީ ސަރުކާރުގެ ސިފައިންނާއި ހަނގުރާމަ ވެރިންނާއި ދެމެދު ހިނގަމުން އަންނަ ހަމަނުޖެހުން ތަކެކެވެ.
އިރުމަތީ އެފްރިކާގެ އެ ގައުމުގައި ފަހަކަށް އައިސް ހަމަނުޖެހުންތައް އިތުރުވެފައި މިވަނީ ޕެރަމިލިޓަރީ ގްރޫޕް އަސްކަރިއްޔާގެ ތެރެއަށް ވެއްދުމާ މެދު އުފެދިފައިވާ ހިޔާލު ތަފާތުވުންތަކުގެ ތެރޭގައި ސޫދާންގެ ރެޕިޑް ސަޕޯޓް ފޯސަސް (އާރްއެސްއެފް) އާ ސަރުކާރު ސިފައިން ހަނގުރާމަ ކުރަމުން ދަނިކޮށެވެ. މި ހަމަނުޖެހުންތަކުގެ ސަބަބުން ދެފަރާތުގެ އެތައް ސަތޭކަ ބަޔަކު ވަނީ މަރުވެފައެވެ.
Advertisement
This content is created and paid for by advertisers and does not involve Voice Journalists
