ވެރިންނާއި ބޮޑުން ރުއްސުމަށް الله ސުބުޙާނަހޫވަތަޢާލާގެ ގަވާއިދު ތަކާއި، ގާނޫނު ތަކާއި ޝަރީޢަތުގައި ކޮޅުފައިންޖަހައި، އެ ބޮޑުންނާއި ވެރިން ރުއްސަން އުޅެފިނަމަ، އެބަޔަކީ ވަރަށް ވަރުގަދަ އިންޒާރެއް އެބަޔަކަށް ދެއްވާފައިވާ ބައެއް ކަން ދަންނަން ޖެހޭނެ ކަމަށް އައްޝެއިޚް މުހައްމަދު ޙަލީމް ވިދާޅުވެއްޖެއެވެ.
"އެންމެ ފުރަތަަމަ ހޯދަންވީ اللهގެ ރުއްސެވުން" މައުޟޫއަށް ޝެއިޚް ޙަލީމް ދެއްވާފައިވާ ނަސޭހަތުގެ ބަސްފުޅެއްގައި ވަނީ، ވެރިންނާއި ބޮޑުން ރުއްސުމަށް الله ސުބުޙާނަހޫވަތަޢާލާގެ ގަވާއިދު ތަކާއި، ގާނޫނު ތަކާއި ޝަރީޢަތުގައި ކޮޅުފައިންޖަހާ މީހުންނަށް ކީރިތި ޤުރުއާނުގައި ދެއްވާފައިވާ ވަރުގަދަ އިންޒާރުގެ ހަނދާން ކޮށްދެއްވާފައެވެ.
އެގޮތުން، ޝެއިޚް ވަނީ އެފަދަ ފަރާތްތަކަށް ކީރިތި ޤުރުއާނުގެ އަލް-އަޙްޛާބް، ސޫރަތުގެ 66 ވަނަ އާޔަތުގައި ދެއްވާފައިވާ އިންޒާރުގެ ބަސްފުޅާއި އެ ބަސްފުޅުގެ މާނަ ކިޔައިދެއްވާފައެވެ.
يَوْمَ تُقَلَّبُ وُجُوهُهُمْ فِى ٱلنَّارِ يَقُولُونَ يَـٰلَيْتَنَآ أَطَعْنَا ٱللَّهَ وَأَطَعْنَا ٱلرَّسُولَا۠
މާނައީ: އެއުރެންގެ މޫނުތައް، ނަރަކައިގައި ފުރޮޅަފުރޮޅައިތިބޭ ދުވަހެވެ. އެއުރެން ބުނާނެތެވެ. ތިމަންމެން اللَّه އަށް ކިޔަމަންވެ، އަދި (އެކަލާނގެ) رسول އާއަށް ކިޔަމަންވީނަމަ ކިހާރަނގަޅު ހެއްޔެވެ!
وَقَالُوا۟ رَبَّنَاۤ إِنَّاۤ أَطَعۡنَا سَادَتَنَا وَكُبَرَاۤءَنَا فَأَضَلُّونَا ٱلسَّبِیلَا۠
މާނައީ: އަދި އެއުރެން ބުނާނެތެވެ. އަޅަމެންގެ ވެރި ރަސްކަލާކޮ! ހަމަކަށަވަރުން، އަޅަމެންގެ ސާހިބުންނަށާއި، އަޅަމެންގެ ބޮޑުންނަށް، އަޅަމެން ކިޔަމަންވީމުއެވެ. ފަހެ، އެއުރެން އަޅަމެން މަގުފުރެއްދީއެވެ.
Advertisement
This content is created and paid for by advertisers and does not involve Voice Journalists
