މިއަހަރުގެ ފުރަތަމަ ހަނދުކޭތަ 5 މެއި ވާ ހުކުރުދުވަހުގެ ރޭ ހިފާނެ ކަމަށް ފަލަކީ ޢިލްމުވެރިން ވިދާޅުވެެއްޖެއެވެ.

ހަނދު ކޭތަ ހިފަން ފަށާނީ ރާއްޖޭ ގަޑިން އެރޭ 20:14 އެހާއިރުއެވެ. ކޭތަ އެންމެ ފުރިހަމަވެ ފެންނާނީ ރާއްޖޭ ގަޑިން 22:22 ގައެވެ. ކޭތަ ހިފައިނިމޭނީ އެރޭ ދަންވަރު 00:31 ގައެވެ. މި ހަނދު ކޭތަ ރާއްޖެއަށް ފެންނާނެއެވެ. 

މި ކޭތަ 4 ގަޑިއިރާއި 18 މިނިޓަށް ދިގު ދެމިގެންދާނެއެވެ. 

ހަނދު ކޭތަ ހިފަނީ އިރާއި ހަނދާއި ދެމެދަށް ދުނިޔެ އެއްސަފަކަށް އަރައި، އިރުގެ އަލި ދުނިޔޭގެ ސަބަބުން ހަނދަށް ނޭޅި ދައުރުވާއިރުއެވެ. 

މިއަހަރުގެ ދެވަނަ ހަނދުކޭތަ ހިފާނެ ކަމަށް ލަފާ ކޮށްފައިވަނީ 28 ނުވަތަ 29 އޮކްޓޯބަރުގައެވެ.