ރައީސް އަބްދުﷲ ޔާމީނު މިނިވަންވެ، އިންތިހާބު ކާމިޔާބު ކުރައްވާނެ ކަމަށް މާލޭ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.

މުއިއްޒު ކުރެއްވި ޓުވީޓެއްގައި ވިދާޅުވީ ޕީޕިއެމްގެ ރިޔާސީ ކެނޑިޑޭޓަކީ ރައީސް ޔާމީނު ކަމަށާއި މިއާ ހިލާފަށް މުއިއްޒުއާ ބެހޭގޮތުން ސޯޝަލް މީޑިޔާގަ ދައުރު ކުރަމުންދާ ހަބަރަކީ ހަގީގަތެއް ނޫން ކަމަށެވެ.

ހަބަރެއް އިވުމުން އެ ހަބަރެއްގެ ތެދުދޮގު ނުބަލާ ފެތުރުމަކީ ފިތުނަވެރިކަމެއް ކަމަށް މުއިއްޒު ވިދާޅުވިއެވެ. އަދި އެކަން އެގޮތަށް ކުރާ ފަރާތްތަކަށް، އެކަން އެގޮތަށް ނުުކުރުމަށް މުއިއްޒު ނަސޭހަތްތެރިވިއެވެ. 

Advertisement

މަސައްކަތް ހުއްޓާލާނީ އިންތިހާބުގައި ޔާމީން ހޮވާފައި ކަމަށް މާލޭ މީގެ ކުރިންވެސް މުއިއްޒު ވިދާލުވެފައި ވެއެވެ.

އެގޮތުން ޕްރޮގްރެސިވް ކޮންގްރެސް ކޯލިޝަނުން ކުރިއަށް ގެންދިޔަ ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން މުއިއްޒު ވިދާޅުވީ އިދިކޮޅުގެ ރިޔާސީ ކެނޑިޑޭޓާކީ ޔާމީނު ކަމަށާއި އެކަމުގައި އެއްވެސް ދެބަސްވުމެއް ނެތް ކަމަށެވެ. އަދި އެންމެން ތިބީ އެއްބަސް ކިޔައިގެން ކަމަށެވެ.

"އިރާދަކުރެއްވިއްޔާ އަޅުގަނޑުމެން މިކުރާ މަސައްކަތް ކާމިޔާބުކޮށް، ކުރިއަށް އޮތް ރިޔާސީ އިންތިހާބުގަ އަޅުގަނޑުމެންގެ މަސައްކަތުން ރާއްޖޭގެ ރައީސުލް ޖުމްހޫރިއްޔާ ކަމަށް ރައީސް ޔާމީން ހޮވާފަ ހުއްޓާލާނީ" ޔާމީން ވިދާޅުވިއެވެ.

ރިޔާސީ އިންތިހާބުގައި ޔާމިނަށް ވާދަ ނުކުރެއްވޭނެ ހާލަތެއް އަތުވެއްޖެ ނަމަ ދެން ޕީޕީއެމްއިން އެ މަގާމަށް ގެންނާނީ ކާކުތޯ ސުވާލު ކުރުމުން އިދިކޮޅު ލީޑަރޝިޕުން ވިދާޅުވީ އިދިކޮޅުގެ ފުރަތަމަ ހޮވުމަކީވެސް އަދި ދެވަނަ ހޮވުމަކީވެސް އަދި ތިންވަނަ ހޮވުމަކީވެސް ޔާމީނު ކަމަށެވެ.